影片
更多
2021-07-11
1959 浏览
星期六，天气好，自然又喺我哋一班老友嘅行山日，因为今次嘅人脚喺行惯山嘅组合，所以，就拣咗条新线一齐探吓路，万一行错都嚟唔惊。照计划，由城门水塘转入「虎踪径」，行到大城石涧，过涧之后经小径上铅鑛凹，最后就返落梨木树，当然重点就喺下午茶啦。其中一位老友喺梨木树街坊，自然由佢发办食边间，佢就拣咗佢嘅饭堂「四季餐厅」。 属于新派啲嘅屋村茶记，所以，格局都比较新派少许，整体嚟讲，装修新簇，企理整洁，都喺以卡位为主，有少量圆枱。 餐厅兼做埋港式面包，所以，近门口有个面包柜，有新鲜出炉面包卖，当然，唔少得港式名物蛋挞啦。 我哋入座时都差唔多两点，梗喺等下午茶时段啦。不过，都贴埋佢哋嘅午餐俾大家参考吓，供应去到5:00pm架。 而下午茶餐都有好多选择，轻怡少少嘅有面包餐、多士餐、薯条沙律餐、三文治餐、吉列鱼柳餐，饱肚啲嘅就有浓汤通粉餐、迷你丼、炒粉饭面、烤焗饭餐……等等，丰俭由人。 另外，仲有一个11:00am后开始供应到收铺嘅招牌特餐及捞得起常餐。 冰火脆皮菠萝油配恶魔炸鸡脾 $38今日谂住食豪少少，有心水嘅菠萝油夹炸脾，真喺邪恶嘅组合，但送到嚟卖相真喺吓一吓，点解只炸脾㶶成咁？菠萝油都OK嘅，面皮
属于新派啲嘅屋村茶记，所以，格局都比较新派少许，整体嚟讲，装修新簇，企理整洁，都喺以卡位为主，有少量圆枱。
餐厅兼做埋港式面包，所以，近门口有个面包柜，有新鲜出炉面包卖，当然，唔少得港式名物蛋挞啦。
我哋入座时都差唔多两点，梗喺等下午茶时段啦。不过，都贴埋佢哋嘅午餐俾大家参考吓，供应去到5:00pm架。
而下午茶餐都有好多选择，轻怡少少嘅有面包餐、多士餐、薯条沙律餐、三文治餐、吉列鱼柳餐，饱肚啲嘅就有浓汤通粉餐、迷你丼、炒粉饭面、烤焗饭餐……等等，丰俭由人。 
另外，仲有一个11:00am后开始供应到收铺嘅招牌特餐及捞得起常餐。
冰火脆皮菠萝油配恶魔炸鸡脾 $38今日谂住食豪少少，有心水嘅菠萝油夹炸脾，真喺邪恶嘅组合，但送到嚟卖相真喺吓一吓，点解只炸脾㶶成咁？菠萝油都OK嘅，面皮算脆口，但冰火就唔讲得，而且，我块牛油比友人𠮶块薄好多㖞。至于鸡脾，有眼你睇，㶶咗，仲㶶得几交关，外皮就好干吓，咬落去还好，肉质唔算嚡，唔食层皮，鸡脾肉嘅味道其实几唔错。
热奶茶 杯奶茶就你甩拖，色泽深沉得嚟有光泽，茶底芳香，饮落醇厚，口感亦够顺滑。 奶茶，始终都喺晌茶记嘅好，喺小弟嘅必然选择。
冰火脆皮菠萝油餐 $25睇落，友人嘅菠萝油喺咪正过我嘅好多呢，主要喺块牛油又大又厚，我觉得菠萝油喺要切成咁先至似样，而咬落去先至有𠮶份「油感」。
粒粒金砖西多士配蒜香生炸鸡中翼 $38比起我嘅炸脾，啲鸡翼就炸得好样少少，友人亦话啲鸡翼肉质唔嚡，外皮香脆，而「粒粒金砖」就即喺厚西多一开四而已，除卖相喺立体咗、靓仔咗，比一般一块过嘅，多咗啲炸边位，多几份香口感。
既然喺友人嘅饭堂，应该喺唔差先会长期帮衬，不过，观乎今日小弟所食嘅，就落差几大，同埋水准唔稳定，好似炸脾同炸翼嘅对比，出嚟嘅效果差咁远。如单喺计我嘅茶餐，就唔合格，计晒整体几样嘢，只可以拉平均，叫仅仅合格。
张贴
