Amour Garden Grill & Bar (已結業)

今日放工约左个朋友系旺角食饭，又想揾个静静地既地位倾下计，朋友就介绍左我去amour garden grill & bar。原来系楼上舖，一入到去就好有「家的感觉」，坐系sofa到自成一角，可以慢慢咁倾计！出面户外地方可以BBQ，下次可以同朋友尼试下系闹市中BBQ！舖头女仔介绍我地食左个二人餐。田园沙律作为头盘真系无得顶，最紧要够新鲜，仲有我超钟意既芝麻酱同蕃茄仔！跟住就食蜜糖鸡翼，入口已经满口蜜糖，一咬就会发现鸡翼入面既肉都有蜜糖味，真系好似啖啖蜜糖！主菜系白酒蒜香意大利粉，一上枱，我地已经：「WOW!」超多砚围住成碗意粉，仲要粒粒有肉，绝对足料！蒜香味浓，岩晒我胃口！再尼就系黑松露海虾意大利饭，一碟有成7只大海虾，仲要每啖饭都有黑松露味，正丫！最后甜品我拣左朱古力软饼配雪糕，最初以为同普通市面既差不多，食落先发现浓浓朱古力味，仲好有层次感！舖头女仔话特别入货嫁！如果想系旺角闹市揾个地方同朋友静静地倾计食饭，amour garden grill & bar真系唔错既选择！