平成二十二日本料理 (已結業)

尖沙咀食放题既地方都真系几多，不过即使系咁，揾位都唔容易... 一路揾一路行，终于行到山林道好入既地方见到呢间食放题，而且仲啱啱好有位，即刻冲入去!食放题时间紧逼，坐低二话不说即刻攞纸画野食，刺身款式好多，一于试晒佢，兼夹叫埋D小食前菜，第一轮搞掂，等开餐!好少可见到前菜小食咁多款，搞到我都忍唔住试试!见到咁多颜色咁靓系真系会食欲大增ga~ 少少辣味既螺肉，又系开胃菜推介之一八爪鱼仔唔会太大只，一啖一只啱啱好~ 支豆好脆又易咬出来，好耐冇食过咁香既支豆，唔知支豆系咪都有季节之分架呢?食完一轮前菜小食，真系开胃左好多，之后就系丧食刺身既时候对虾敏感，唔食得虾，不过好在款式够多，就算唔食虾都仲有好多野可以食 最出色既真系带子，我地早排自己出面买过来食，一粒都唔平，同埋自己买又要解冻溶雪，搞鬼死咁耐，都系系度食抵玩D! 三文鱼油甘鱼都好新鲜，而且有冰垫底睇落系衞生D，同埋自己买完黎食先觉得原来刺身温度都几重要，太冻会食唔到个鲜味，常温食落又惊佢易有菌，呢度既刺身温度就真系刚刚好啦~