影片
更多
2023-05-14
2202 浏览
有啲朋友原无乜点去过工厂大厦内嘅餐厅，所以，今次就专诚带佢哋嚟到「i Kitchen」试试，点解拣呢间？其实无乜好特别原因，只喺因为呢间试过，知道质素去做咩，够稳阵，此外，经过3年疫程都仍然撑得住嘅，必定有佢嘅实力，帮衬嘅信心自然又大啲。由于餐厅以酒吧餐厅做定位，所以，一入去左边 就喺酒吧嘅格局，整体以黑白为主色调，显得几有型格，加装唔少聚焦灯，营造出唔错嘅气氛。此外，中间阔落嘅走廊，使到空间感多咗。翻一翻餐牌，应该跟之前无咩太大分别，食物嘅分类都喺前菜、小食、汤品、意大利面 / 意大利饭、薄饼、主菜、二人套餐、甜品及饮品，选择依然多。另加$38可转为套餐，仲有多种加配优惠。此外，晌门口仲栋咗个「美国斧头扒4人套餐」，睇起嚟吸引架，不过，一来担心我哋食唔晒，二来超过咗我哋嘅预算，所以，我哋都喺嗌番主菜，再转套餐。香煎美式蟹肉饼伴香梨及田园沙律 $88唔知何谓美式，总之，就炸得金黄，入口坚喺啖啖蟹肉，好鲜味，蟹味浓郁，衬以清爽嘅香梨同沙律菜，减低少少罪恶感，只喺可惜一客只得一件，每人分得一啖仔，认真唔够喉！白酒牛油加仁里煮纽西兰半壳青口 $98另一个头盘就拣纽西兰青口，一客9只，至少每人
由于餐厅以酒吧餐厅做定位，所以，一入去左边 就喺酒吧嘅格局，整体以黑白为主色调，显得几有型格，加装唔少聚焦灯，营造出唔错嘅气氛。此外，中间阔落嘅走廊，使到空间感多咗。
翻一翻餐牌，应该跟之前无咩太大分别，食物嘅分类都喺前菜、小食、汤品、意大利面 / 意大利饭、薄饼、主菜、二人套餐、甜品及饮品，选择依然多。另加$38可转为套餐，仲有多种加配优惠。
此外，晌门口仲栋咗个「美国斧头扒4人套餐」，睇起嚟吸引架，不过，一来担心我哋食唔晒，二来超过咗我哋嘅预算，所以，我哋都喺嗌番主菜，再转套餐。
香煎美式蟹肉饼伴香梨及田园沙律 $88唔知何谓美式，总之，就炸得金黄，入口坚喺啖啖蟹肉，好鲜味，蟹味浓郁，衬以清爽嘅香梨同沙律菜，减低少少罪恶感，只喺可惜一客只得一件，每人分得一啖仔，认真唔够喉！
白酒牛油加仁里煮纽西兰半壳青口 $98另一个头盘就拣纽西兰青口，一客9只，至少每人都试到两只，啲青口肉好鲜嫩，唔会好似啲雪藏货雪死晒，成嚿擦子胶咁韧，加上个白酒牛油汁煮得几香，食味唔错。
厨师餐汤（套餐）今晚嘅餐汤喺南瓜忌廉汤，一如过往，都喺伴以长长嘅意式面包条，咬落好脆口，而个汤几柔滑，不过，南瓜味唔算好强，反而有微微酸香味，似喺加咗蕃茄去打。
西班牙海鲜、辣肉肠、鸡肉炖饭 $268呢道西班牙海鲜饭以正宗嘅小镬盛上，份量之大足2-3人享用，饭面仲放咗好多海鲜，如虎虾、带子、青口、大蚬，上枱时店员更特别介绍唔单止采用西班牙米，更升级用上龙虾汤去煮，唔怪之得啲饭粒入口湿润，并充满海鲜香味，而各种海鲜都鲜甜好味，整体真喺做得有水准。
西班牙海鲜、辣肉肠、鸡肉炖饭
$268
27 浏览
0 赞好
0 留言
呢个意大利饭跟西班牙海鲜饭有啲相似，但食落去会明显觉得有分别，虽然同样喺湿湿润润，但入口饭粒比较烟韧，咬口感比较强。既然用上北海道刺身级嘅带子，当然味道更加鲜甜，口感更加弹牙，唔喺雪藏货可比，唯一挑剔位喺太少红甜椒喇！
香煎美国黑豚肉眼扒、意大利黑醋酱 $168较为属肉嘅主菜就睇啱呢款黑豚肉眼扒，成品上到枱卖相都几靓仔，尤其啲蔬菜，经过少少雕刻，加埋色彩艳丽，而黑豚未食都觉得松化，因为切落去都已经感受到，再配上经处理过嘅黑醋酱，𠮶份酸香特别醇厚，令到豚肉肉味突出。
即磨咖啡（套餐）因为会另外追加两道甜品作结，所以，餐饮拣左即磨咖啡，杯咖啡一上枱已经闻到好醇香嘅咖啡味，饮落真喺几唔错，配甜品永远喺最好嘅拍档。
基本嘅服务已经算做到足，不时主动添水、收碟，此外，当我哋准备食甜品时，更会帮我哋换过晒新一套餐具，侍应嘅态度亦都好有礼貌。
自家制焦糖苹果批伴云呢嗱雪糕 $68呢款甜品之前曾试过，所以，都想推介俾朋友试试。批壳以酥皮做，甘香酥脆，内里填满苹果粒，果肉清鲜软熟，味道渗有少少焦糖香，伴以云呢嗱雪糕，一热一冻，食得够爽。如果俾多少少玉桂就更啱我心水。
意大利芝士饼 $58都好一段时间无食过意大利芝士饼，从外观看，做得唔错，蛋糕层都算沾满咖啡酒，中间嘅马卡风芝士淡雅清香，不过，似乎存放上有啲雪过笼，口感有啲冰感，失去咗应有嘅软滑度。
今餐都算食得好丰富，对于环境、服务、食物质素，朋友都觉得好满意，加上喺厂厦餐厅，有少少秘窦之感，自然又加多啲分落去。
张贴
