影片
更多
2019-05-10
3793 浏览
🎐登登登櫈！继上个月熊妹同玛姬系《GREEN》试完个午餐，熊妹一早已经收到风知道今个月的afternoon tea set 系联乘「微热山丘」以菠萝🍍做主题，酸酸甜甜清新开胃来迎合呢个夏天的来临。📌闲日准时三点半🕞开场，已经有坐满大半场人order呢款新口味tea set, 都几受欢迎㖞！📌哗！非常吸晴👀的afternoon tea set! 本身已经非常畅眼的鲜黄色菠萝再配以其他七彩缤纷的食材，真系五颜六色，非常吸引。上层，由左至右柑橘鳯梨法式小圆饼好得意呀！afternoon tea set 一定唔少得的macaron 整成菠萝🍍咁的样，黄黄绿绿，手功好精致！一向唔好macaron的熊妹明知佢太甜，都即管一试！食落味道竟然有啲似大树菠萝味，好特别㖞！细细地一件，一定唔觉漏。流心鳯梨芒果椰子杯呢个椰子杯🥥用上朱古力扮成椰子壳，内里系流心白色的菠萝汁，中间加上芒果茸，入面仲有点点椰丝，成个设计好有心思！一啖咬落去，啲流心汁流哂出黎，真系要小心啲食，免失仪态🙈。粒粒椰丝有咬口，同成个椰子杯味道好夹。云尼拿鳯梨泡芙泡芙比较淋身，似系整好好耐，待上碟。云尼拿吉士好重云尼拿奶油香🍼，再以一颗红
🎐登登登櫈！继上个月熊妹同玛姬系《GREEN》试完个午餐，熊妹一早已经收到风知道今个月的afternoon tea set 系联乘「微热山丘」以菠萝🍍做主题，酸酸甜甜清新开胃来迎合呢个夏天的来临。
📌闲日准时三点半🕞开场，已经有坐满大半场人order呢款新口味tea set, 都几受欢迎㖞！
afternoon tea set
$600
161 浏览
1 赞好
0 留言
上层
165 浏览
1 赞好
0 留言
柑橘鳯梨法式小圆饼
好得意呀！afternoon tea set 一定唔少得的macaron 整成菠萝🍍咁的样，黄黄绿绿，手功好精致！一向唔好macaron的熊妹明知佢太甜，都即管一试！
食落味道竟然有啲似大树菠萝味，好特别㖞！细细地一件，一定唔觉漏。
流心鳯梨芒果椰子杯
呢个椰子杯🥥用上朱古力扮成椰子壳，内里系流心白色的菠萝汁，中间加上芒果茸，入面仲有点点椰丝，成个设计好有心思！
一啖咬落去，啲流心汁流哂出黎，真系要小心啲食，免失仪态🙈。粒粒椰丝有咬口，同成个椰子杯味道好夹。
云尼拿鳯梨泡芙
泡芙比较淋身，似系整好好耐，待上碟。
云尼拿吉士好重云尼拿奶油香🍼，再以一颗红莓🍓点䮕，形成一粒迷你泡芙。
热情果鳯梨果冻
以一只迷你饮品杯子装上热情果菠萝果冻，望落去以为系一杯热情果饮品🍹，好得意，系非常夏日的感觉。
酸酸甜甜，仲食到粒粒热情果核，好足料的。
中层
104 浏览
1 赞好
0 留言
「微热山丘」鳯梨酥
「微热山丘」做主打又点少得佢的招牌鳯梨酥呢？afternoon tea set 连埋原颗连包装的台湾直送「微热山丘」鳯梨酥，会唔会实在太抵？
「微热山丘」鳯梨酥的出名程度应该无需再多加解释，就系凭著一丝丝土鳯梨丝的口感完胜。✌🏻
鳯梨薄荷椰果冻
有惊喜㖞！椰果冻味淡淡，有咬口，包裹著一大颗新鲜菠萝粒，超级清甜爽口，又解渴！非常简单的原材料已经好好味！
幸好薄荷味就无乜喇，相信系讲紧插起中间的薄荷叶🌱。
鳯梨蜜糖火腿串
鳯梨不嬲都系串烧🍢的良伴，清甜又可以解解肉的油腻。
蜜糖火腿有点散，火腿肉味唔系好出，主打都系食粒粒鲜菠萝🍍，多汁清甜，仲有烧烤过的红椒同青瓜，非常特别的一款咸食，唔错。
下层
100 浏览
0 赞好
0 留言
鸭肝批配辣椒鳯梨茸
噢，熊妹同玛姬最不喜欢的一款下午茶小食，真系太重内脏脂肪味，油腻腻，真的不明白为何鸭肝鹅肝总会被选上为其中一款小食茶点？
芦笋蘑菇挞
咸的蛋挞🥧，有芦笋蘑菇馅，挞皮焗热过，系松脆牛油皮，蛋馅滑滑的，吃到切碎的蘑菇粒。
辣虾配鳯梨酱
非常弹牙的虾肉🍤，好有口感，仲有青瓜🥒衬底，有啲鳯梨粒，很好的咸点配撘。
苏格兰烟三文鱼黑鱼子多士
烟三文鱼好厚实的一大块卷起，衬托几粒黑鱼子点䮕，味道咸咸的，多士就普通的一片烘底白面包，两个字，好味！
英式松饼
86 浏览
0 赞好
0 留言
英式下午茶的灵魂莫过于此盒英式松饼，一款朱古力味🍫，一款带有提子干的牛油味，再配合clotted cream butter, strawberry jam 同埋 nutella， 任君选择，熊妹始终都系钟情clotted cream的淡淡牛油忌廉香，而玛姬就偏好果酱的甜蜜。
松饼一定要趁热食，先食得出牛油的松化同松饼软熟的质感。
📌素来熊妹同玛姬都系《GREEN》afternoon tea set的粉丝，一推出新主题又撞岩时间就会黎试，而今次呢款菠萝主题的tea set, 熊妹同玛姬都一致认同比起过往的tea set 都更青出于蓝，喜出望外的，因为每一款茶点都非常精致好味，可能因为有菠萝的酸中和左不少甜度，令甜点不再只得个甜字，享受完成款tea set, 都唔会觉得成口甜，仲感觉好清新，真系多谢「微热山丘」的合作。🙇🏻♀️
afternoon tea set
$600
83 浏览
2 赞好
0 留言
张贴
