影片
更多
2024-08-31
1599 浏览
今晚又喺「无饭」夫妻日，所以，大家都唞唞出街食，嚟到油麻地嘅「点心到」，就晌地铁站斜对面，贪佢位置方便。两公婆拣点心专门店有个好处，就喺可以试到多啲嘢，唔似其他餐厅就可能喺佢一个晚餐、我一个晚餐。餐厅环境跟大多数点心专门店差唔多，都喺简简单单，但感觉都几骨子，够晒光猛企理。一来地点有优势，二来无论本地人，还是游客，都钟意一盅两件，所以，成晚大部分时间都喺九乘满，一台客走又有一台客入嚟。枱上已放好餐具、洗碗兜、一大壶热茶，自己招呼自己，茶位收$5位，无加一，比起去酒楼就划算好多。睇见张枱垫，原来晌旺角嘅「点心到 Mix•大排档」都喺属同一集团！一张点心纸底面两版，就罗列晒所有点心款式，大部分会喺见惯见熟嘅款式，但都有啲店家推介嘅特色嘢，数数吓，原来都有成50款之多，睇落定价都算相宜，仲有炖汤、多款港式饮品、汽水。以二维码落单又得，剔点心纸交俾店员又得，落单后佢哋会即时打张单俾你，咁就包无落错或落漏。烧汁酿虎皮椒 $26两件红、两件绿，我估都喺专登嘅，而且，裁走头尾位，明显喺花咗心思。中间所酿嘅鲮鱼肉非常大嚿，但难得煎得啱啱好，表面焦脆，里面唔会未熟，仲好弹牙，好有鱼味。酱皇金钱肚 $28
餐厅环境跟大多数点心专门店差唔多，都喺简简单单，但感觉都几骨子，够晒光猛企理。一来地点有优势，二来无论本地人，还是游客，都钟意一盅两件，所以，成晚大部分时间都喺九乘满，一台客走又有一台客入嚟。
枱上已放好餐具、洗碗兜、一大壶热茶，自己招呼自己，茶位收$5位，无加一，比起去酒楼就划算好多。睇见张枱垫，原来晌旺角嘅「点心到 Mix•大排档」都喺属同一集团！
一张点心纸底面两版，就罗列晒所有点心款式，大部分会喺见惯见熟嘅款式，但都有啲店家推介嘅特色嘢，数数吓，原来都有成50款之多，睇落定价都算相宜，仲有炖汤、多款港式饮品、汽水。以二维码落单又得，剔点心纸交俾店员又得，落单后佢哋会即时打张单俾你，咁就包无落错或落漏。
烧汁酿虎皮椒 $26两件红、两件绿，我估都喺专登嘅，而且，裁走头尾位，明显喺花咗心思。中间所酿嘅鲮鱼肉非常大嚿，但难得煎得啱啱好，表面焦脆，里面唔会未熟，仲好弹牙，好有鱼味。
酱皇金钱肚 $28金钱肚喺老婆佢心水点心之一，可以讲话唔喺嗌凤爪，就喺嗌金钱肚。金钱肚软腍带点点爽口，非常香浓入味，不过，份量真喺有啲少；下面就例牌垫咗少少萝卜，索晒汁，同样惹味，而且，嫩滑无渣。
浓汤鲜竹卷 $21晌点菜纸𠮶度标明佢喺素食，所以，老婆又话想试一试吓。先讲个奶白色嘅浓汤，饮落真喺几鲜几甜，所以，我哋都一滴都唔好嘥，清晒啲汤。而鲜竹卷里面包住啲甘笋粒、沙葛粒之类，比起平常加咗猪肉嘅鲜竹卷多咗一份清爽感，而腐皮都好香豆味。
沙姜汁烩鲜淮山 $24蔬菜中老婆都几钟意食淮山，因为营养价值高，配沙姜汁我都喺第一次试，感觉有几唔错。啲淮山爽爽滑滑，仲加埋啲木耳同西芹，确喺一道一够晒健康嘅点心。
笼仔金针云耳鸡饭 $38原本一心想嗌笼仔金银蒜海虾饭 ，打开个二维码落单，就标示已售罄，真可惜，退二求其次，金针云耳蒸鸡都OK。个饭嚟到，其实就唔喺咁觉啲荷叶味，但食落啲饭粒，就坚食到阵阵荷香，加上饭粒软熟，淋上豉油，斋饭都好味呀！而啲鸡件几嫩滑，金针、云耳又爽口，卖$38真喺抵食架。
笼仔金针云耳鸡饭
$38
20 浏览
0 赞好
0 留言
虽然呢款点心列晌酥点类，其实，当佢喺甜品都OK，此外，亦想试埋个榴梿雪媚娘，但就卖晒。个酥皮层都几酥脆，甚富牛油香，而馅心嘅榴梿蓉几香滑，如果喺榴梿控，可能觉得未够澎湃，但以一般大众而言，小弟就觉得够晒突出。
普遍上，点心专门店嘅定价都比去酒楼抵食，所以都有好多捧场客。加上地理位置好，咁旺场都不无道理，食咗咁多款点心，亦觉得师傅嘅手艺扎实，服务又唔错，咁生意先可以长做长有。
张贴
