影片
更多
2021-10-22
5209 浏览
又一间日本过江龙烧肉店，位于沙田新城市广场，一人无烟烧肉冇难度。重点系唔需要排队，大家可以透过电话APPS提早拎位，但难D预计时间，因为有时四点几五点就停左拎飞。入到去座位都几宽敞，用手机APPS就可以落单，好快上菜。无烟烧肉所以个炉个火力真系比较弱，但都系可以接受程度内！Like套餐250g $125套餐除左肉有配埋白饭、和风汤、泡菜/沙律，而肉就分别有牛舌4大薄片、牛五花(十几块左右)、牛横膈膜肉4件，其实份量真系唔算少，都只系百零蚊，出去D日本烧肉店单叫一个类型嘅肉都差唔多呢个价钱。肉黎到个颜色都鲜红，望落新鲜唔会出哂血水、变哂瘀黑色。牛舌食落唔错，唔会太UN，牛五花薄身，但个油花感会重D，配饭食一流！而牛横膈膜肉厚身有肉感，食落有咬口，牛味亦会较牛五花出，Overall都几唔错！牛小排&牛板腱套餐 200g $128牛小排同牛板腱份量都差唔多一半半，两者质素都几好。牛小排肉质食落比起牛五花结实少少，但油花分布几平均，食落都系柔软。牛板腱油花较少偏瘦，但系口感都属于鲜嫩柔软，而个牛味系比较下最浓。两者牛配埋几好，一个偏油感一个偏肉感。同埋枱面有好多唔同酱油俾大家简，个人认为蒜香
又一间日本过江龙烧肉店，位于沙田新城市广场，一人无烟烧肉冇难度。重点系唔需要排队，大家可以透过电话APPS提早拎位，但难D预计时间，因为有时四点几五点就停左拎飞。入到去座位都几宽敞，用手机APPS就可以落单，好快上菜。无烟烧肉所以个炉个火力真系比较弱，但都系可以接受程度内！
Like套餐
$125
218 浏览
0 赞好
0 留言
套餐除左肉有配埋白饭、和风汤、泡菜/沙律，而肉就分别有牛舌4大薄片、牛五花(十几块左右)、牛横膈膜肉4件，其实份量真系唔算少，都只系百零蚊，出去D日本烧肉店单叫一个类型嘅肉都差唔多呢个价钱。肉黎到个颜色都鲜红，望落新鲜唔会出哂血水、变哂瘀黑色。牛舌食落唔错，唔会太UN，牛五花薄身，但个油花感会重D，配饭食一流！而牛横膈膜肉厚身有肉感，食落有咬口，牛味亦会较牛五花出，Overall都几唔错！
牛小排&牛板腱套餐
$128
166 浏览
1 赞好
0 留言
牛小排同牛板腱份量都差唔多一半半，两者质素都几好。牛小排肉质食落比起牛五花结实少少，但油花分布几平均，食落都系柔软。牛板腱油花较少偏瘦，但系口感都属于鲜嫩柔软，而个牛味系比较下最浓。两者牛配埋几好，一个偏油感一个偏肉感。
同埋枱面有好多唔同酱油俾大家简，个人认为蒜香酱油最好食，点小小唔会盖过个牛味但带D咸味。🌟总括：价钱适中唔贵，肉有质素，份量又唔错，连埋饭、汤、配菜，埋单一个人都系差唔多百五蚊左右，性价比高！同埋啱哂女仔食，唔会太多，又唔怕好似放题咁要隔晏食。自己一个人食烧肉都冇问题，同朋友一齐食就可以叫几款唔同套餐，试哂咁多款肉，另外唔够食亦都可以额外叫肉。
张贴
