影片
更多
2014-04-19
79 浏览
如果心水清嘅朋友们，应该有留意到每年海港城都会搞个「情•寻朱古力」艺术展览（Chocolate Trail），刚过去嘅一、二月就已经喺搞到第五届，而依一届，除以一系列以朱古力制作嘅首饰及时装艺术品之外，最吸引一众为食鬼就喺嚟自世界各地20多个品牌嘅朱古力小摊位，顿时成个海港城变咗个朱古力王国。Frederic Blondeel亦喺当日有份「参展」，试试水温，睇吓港人对其品牌的喜爱度，如果你错过咗，唔打紧，依家已经落户咗尖沙咀Ｋ11，唔使多讲，就知个水温如何！小弟有幸被店方邀请嚟试食，除荣幸，就喺期待，实在很多谢店方。老实讲，小弟亦喺第一次接触依个比利时品牌，对其真喺一无所知，不过，经过今次嘅到访，唔单只一尝其手做朱古力嘅滋味，亦喺一个品味学习嘅好机会。有关朱古力大师Frederic Blondeel嘅背景及其产品嘅可可豆用料，就唔多抄一次，因为铺面小页都已有详细介绍。不过，介绍牌上有一点无提及，喺店员嘅补充，就喺Frederic Blondeel曾于法国学厨，所以，加入咗唔少法式元素，故此，所做出嚟嘅朱古力口味会较新派，但又唔会太离经叛道，会带多点趣味性，务求带嚟更多惊喜！所有粒装朱古
老实讲，小弟亦喺第一次接触依个比利时品牌，对其真喺一无所知，不过，经过今次嘅到访，唔单只一尝其手做朱古力嘅滋味，亦喺一个品味学习嘅好机会。有关朱古力大师Frederic Blondeel嘅背景及其产品嘅可可豆用料，就唔多抄一次，因为铺面小页都已有详细介绍。不过，介绍牌上有一点无提及，喺店员嘅补充，就喺Frederic Blondeel曾于法国学厨，所以，加入咗唔少法式元素，故此，所做出嚟嘅朱古力口味会较新派，但又唔会太离经叛道，会带多点趣味性，务求带嚟更多惊喜！
所有粒装朱古力陈列晒晌朱古力柜内，粒粒精巧，依家店内粒装朱古力主要分为6个系列：软心朱古力（Ganache）、焦糖朱古力（Caramel）、松露朱古力（Truffle）、干果朱古力（Fruit Tree）、杂锦朱古力（Belgium Seafood）及榛子夹心朱古力（Gianduia），定价为$18 / $20粒，但味道则有成过百款，暂时在香港推出其中70-80款左右，轮流登场，不过，一般晌铺面有售嘅都有超过40款喔。此外，亦有排装朱古力售卖。
题外话，今次负责嘅导「尝」员Gary，真喺非常专业，除对产品嘅特性瞭如指掌外，讲解清晰，缓急有序，亦有很多品尝朱古力嘅温馨提示，例如：很多人都知道朱古力放晌阴凉处都可以嘞，但好似近来天气转热，佢话最理想梗喺放入红酒柜，但深明有几多人家中会有红酒柜吖，所以，放入雪柜嘅蔬果格亦可以，摊一摊番15min，效果亦会好理想，只不过，就算放入雪柜都唔好多过3星期，否则，质素必定大打折扣。一大轮资讯、理论、注意事项过后，就开始正式踏入朱古力甜蜜之旅！但喺晌品尝之前，Gary都再次强调多一次，就喺无论边只味道都好，朱古力就喺朱古力，Frederic Blondeel嘅朱古力以朱古力味行先，再渗出各款独有味道，绝对唔会喧宾夺主，所以，我哋就更加细心领略固中滋味。仲有，先闻一闻啲朱古力，可感受一下佢散发嘅香气。
Sao Tome每款朱古力嘅名牌都有标明喺边个系列嘅朱古力，Sao Tome属于软心朱古力（Ganache），亦喺Gary为我哋刻意安排嘅第一款朱古力，作为入门嘅基础，因为喺一款简单、原味、75%纯黑朱古力。一咬外层非常薄，带点脆，而馅心嘅朱古力极之软滑，少甜而甘。
Jasmin单睇名字，你就可预期佢个味道，闻落去依然喺浓郁嘅可可味，但入口嗒落，软滑嘅软心朱古力就慢慢渗出茉莉花香，清幽不俗，但又唔会太抢个朱古力香，不愧为招牌软心朱古力之一。
Rose & Poivre Noir依个跟茉莉花味好唔同，一闻已感觉到玖瑰花香嘅突出，入口都有同样感觉，反而混入嘅木本辣椒，无预期中嘅辣味出嚟。据Gary解释，原来个辣椒纯粹帮玖瑰香提味，落极份量极少，就好似食西瓜加幼盐个道理。
Lime依款青柠味朱古力跟上几款软心朱古力有啲唔同，就喺用咗牛奶朱古力，所以，色泽明显会较浅，故此，入口后，最初嘅朱古力味好快完结，随之就喺挺强劲嘅纯青柠酸香，余韵亦比较长，小弟几喜欢依款味道，值得推介。
Charles Hot早前去大马旅行参观朱古力博物馆时已试过辣椒味朱古力，估唔到咁快又重遇上，所以，未试已有份心理准备。采用软心黑朱古力，依然香滑，辣椒味会慢慢渗出，而且会感觉到辣度会不断提升，当朱古力溶透之后，先喺辣度最强之时，有种延后嘅感觉。不过，大可放心，虽则所谓「辣度最强」，只喺相对而言，当然比食只辣椒轻怡好多好多。
Coeur - Milk试咗好几款软心朱古力，稍稍改一改试另一系列：榛子夹心朱古力（Gianduia）。Coeur心形朱古力卖相亮丽极讨好，基本有3个味道，分别喺Mike、Dark及White，被安排所试喺前者White（香脆牛奶朱古力配榛子及可可仁）。外层脆脆，牛奶朱古力内混和好多榛子碎、少量可可仁，口感复杂，但甜度比起之前所试嘅黑朱古力较重。
Cralin - Dark又试试另一系列：焦糖朱古力（Caramel），依款香脆海盐焦糖黑朱古力认真好味，口感富层次，朱古力共分3层，第一层黑朱古力外壳，甘苦香脆；第二层焦糖软心，有少少流心嘅效果，摆晌度会慢慢流落嚟，焦香少甜；第三层榛子夹心朱古力，食落有少少海盐咸味，非常有趣。
Green Tea绿茶味属软心朱古力（Ganache），晌幼滑嘅牛奶朱古力味中，绿茶味表现突出，但又出奇地唔会太强、太抢。加上表面加咗少少法国海盐，淡雅清醇嘅绿茶中，诱发出丝丝咸味，感觉几过瘾㖞。
Basilic同样属软心朱古力（Ganache）嘅Basilic，喺罗勒配士多啤梨嘅组合，闻落已有少少士多啤梨清香，但入口，罗勒嘅味道鲜明，食到临尾，又有一层轻轻果酸味。第一次试半粒食唔到依个效果，难得Gary俾我再试一整粒，要慢慢、慢慢品尝晒成粒先领略到，实在刁钻。其实，Frederic Blondeel有唔少朱古力款式都以香草入馔，例如：薄荷、月桂叶、香茅、豆蔻……等等，相信都喺值得一试嘅口味。
Feuillantine - Milk & Feuillantine - Dark卒之试吓松露朱古力（Truffle）系列，首先介绍两款喺香脆榛子松露及香脆榛子黑松露，小弟手上所试嘅喺前者香脆榛子松露。质感好特别，外层喺好柔软嘅牛奶朱古力，入口好软滑，但就较甜；而内层因为加入咗榛子碎，多份脆脆口感，所以造就依款松露朱古力喺「外软内脆」，跟平常全软滑嘅松露朱古力喺另一种口感。
Cassonade - Milk & Cassonade - Dark另一款松露朱古力，焦糖榛子松露及焦糖杏仁黑松露，跟上述刚好相反嘅松露朱古力，特点喺「外脆内软」。小弟依次所试嘅喺后者，「外脆」原因喺朱古力表面「焦糖化」咗，沾满烘过嘅糖粒，以及杏仁碎碎，所以，咬落脆脆哋；至于中间，喺好幼滑嘅朱古力，不过，整体会有啲颇甜嘅感觉！
Irish Coffee试咗上面只Cassonade – Dark，睇样就知款Irish Coffee又喺另一款「外脆内软」嘅松露朱古力，「焦糖化」嘅表面令外层脆脆。虽然属「酒心」类别，但有别一般嘅液态酒心，而喺把爱尔兰咖啡酒注入朱古力中，所以，细味朱古力嘅时候，酒味会一涌而出，非常突出，而且余韵悠长，感觉特别。
Poire William本来被安排试食嘅朱古力都差不多，但数款松露朱古力甚有特色，故此，同场加映依款香梨白兰地松露，因为香梨加白兰地想起都好奇。不过，香梨只喺作为提味，未见突出，而白兰地酒味亦只喺轻轻渗出，唔及上述嘅Irish Coffee酒味突出悠长。
Framboise以纯黑嘅朱古力片为基础，加上红莓果干，就成为依款干果朱古力（Fruit Tree）一员。朱古力片味道甘醇，而红莓干嗒落带微酸，唔算好特别嘅款式，但味道本身都喺唔错嘅。
除散装，亦有不同份量嘅礼盒装（45粒装/$890、25粒装/$510、9粒装/$180）及礼物篮（$1,980/尊贵套装礼篮、$1,685/幸福满载礼篮、$1,265/满心欢喜礼篮），又不时推出节日限定，如近期推出嘅复活节系列。而礼盒装内嘅朱古力，又可随个人心水作自由配搭，兼且包装大方得体，简单而典雅，送给摰友定必窝心到爆。
是夜，试了足足14款朱古力，感到好满足，不过，仍有意犹未尽嘅感觉，因为款款朱古力都各俱特色，味道细腻，质感独特，确喺一个不容忽视嘅朱古力品牌。
张贴
