影片
更多
2021-03-26
3678 浏览
年初，跟姨仔由流水响水塘，再经鹤薮水塘、沙螺洞、凤园，去到太和，今次就由小弟带路，由元朗大棠，经黄泥墩水塘、大榄水塘（顺便睇埋千岛湖）、扫管笏，最后终点喺到黄金海岸食晏。可能假日关系，黄金海岸商场呢度超多人，有几家心水餐厅都爆晒棚或者坐得好密（单睇相已为疫情已过添），最后拣咗呢一家意大利餐厅「Resto」，点解相对少人？因为比其他餐厅都贵一截啰！ 是日天气都好好，够阳光，又和暖，所以，有唔少人拣坐出嚟户外位。而室内环境装修得甚富欧陆风情，加上高楼底，空间感十足，用上皮梳化椅，亦几舒服好坐。 平日就有啲午餐供应，但周末、周日就只有散点，所以，相对地，比起其他有午餐供应嘅餐厅，佢哋嘅价位就自然高一截。睇番啲种类，有汤品、前菜、沙律、薄饼卷、意大利面、意大利饭、肉类或海鲜主菜、薄饼、汉堡、三文治及甜品，以及专为小朋友而设嘅小童餐。 Mango Milk Shakes $50、Fruit Punch $50杯杂果实治有啲似杯冻柠檬茶，唔喺我嗌，亦无问好唔好饮，所以，评论唔到。而小弟就要咗杯芒果奶昔，睇落就几啲办喇，饮落芒果味好浓郁，口感亦好香滑，算得上唔错，尤其啱啱行完山，感觉就更加爽。 意大
是日天气都好好，够阳光，又和暖，所以，有唔少人拣坐出嚟户外位。
而室内环境装修得甚富欧陆风情，加上高楼底，空间感十足，用上皮梳化椅，亦几舒服好坐。
平日就有啲午餐供应，但周末、周日就只有散点，所以，相对地，比起其他有午餐供应嘅餐厅，佢哋嘅价位就自然高一截。睇番啲种类，有汤品、前菜、沙律、薄饼卷、意大利面、意大利饭、肉类或海鲜主菜、薄饼、汉堡、三文治及甜品，以及专为小朋友而设嘅小童餐。
Mango Milk Shakes $50、Fruit Punch $50杯杂果实治有啲似杯冻柠檬茶，唔喺我嗌，亦无问好唔好饮，所以，评论唔到。而小弟就要咗杯芒果奶昔，睇落就几啲办喇，饮落芒果味好浓郁，口感亦好香滑，算得上唔错，尤其啱啱行完山，感觉就更加爽。
意大利辣肉肠薄饼 $130喺较有意式风味，又简单嘅款式，热烘烘咁送到嚟，面头铺满辣肉肠及洒满莫沙里拉芝士，外观份外吸引。饼底属厚批，批边有脆位，中间就好软熟，虽然只喺落茄酱同芝士，但都已经好好味，加埋辣肉肠嘅咸香，当然变得更惹味，整体上可以讲喺有水准。
意大利辣肉肠薄饼
$130
94 浏览
1 赞好
0 留言
香蒜蚬肉炒扁意粉 $135呢一款可以讲喺意大利面中常见嘅款式，亦心想喺较稳阵。先试试啲蚬肉，都几鲜味，又有少少海水嘅咸鲜味，就算唔喺新鲜货，都唔会喺雪到死嘅平嘢；再试试啲扁意粉，煮得够咬口，有韧劲，质感就好对办，亦充满蒜香；不过，食一口无乜嘢，食多两口就觉得偏咸，我哋几个人共享都叫勉强OK，一个人食晒一碟嘅话就难讲。
酥脆猪手 $170原打算叫酱烤猪仔骨，但竟然午市已经话无货，改而点咗一客猪手。只猪手都颇大只，亦切成小件，并配上薯角及紫椰菜（并非传统德国咸猪手所配嘅酸菜），不过，餐牌写明配蜜糖芥末酱就唔见有，只喺有一小兜茄汁用嚟点薯角，此外，明显炸得过火，有啲㶶。还好嘅喺，食落皮脆，啲肉又唔喺好干、好嚡，质感都OK啦，但就肯定过咸。事后有跟侍应反映，佢话个厨经常都重手咗，加上有两道菜都喺咁，所以，我都相信个厨喺根本问题，而唔喺个别例子。
环境虽然喺好，招呼还OK，但人手有啲唔够，不时举手都无人理，但店员态度喺有礼嘅。食物质素就有些微根本性嘅问题，三道菜中有两道过咸，加上收费亦唔喺话特别平，正常嘅中档餐厅价钱，故对食物嘅质素喺有所期望，翻兜嘅机会绝对喺零，始终，呢个商场都仲有好多选择。
张贴
