影片
更多
2021-09-25
2256 浏览
早前报到旅发局搞嘅「赏你游2.0」，参加咗个本地团，一早去到边界白虎山山头参观麦景陶碉堡（只喺外面睇一睇而已，因属二级历史建筑，围封咗），再返回沙田食晏，然后到访曾大屋，最尾就到尖沙咀嘅历史博物馆自由参观，随后就各自解散。午餐安排晌「丽豪酒店」嘅「意廊」，之前都嚟过几次，但都好一段时间嘅事，印象都几唔错。酒店餐厅，始终环境会稍胜一筹，餐厅外有唔少露天位，不过，呢日嘅天气非常之热，又喺正午，无可能坐晌度食晏，第时秋凉，晌度食嘢就应该几写意。室内方面，地方就颇为阔落，由门口行到笃尾，地方方都好大吓，并间分为几个区域。同埋一整边都喺落地大玻璃窗，透光度假十足，人都醒神啲，加上啲梳化椅舒服好坐。 不过，既然地方大，座位多，我觉得坐位可以安排好啲（唔知酒店问题，抑或旅行社问题），因为，我哋被逼同两个陌生嘅「团友」同枱，隔离位大叔就不停咁讲嘢，而我哋之间喺无任何胶板间住。酒店一般宁愿做少啲生意，啲枱隔开啲，啲客坐散啲，都唔会栋啲胶板咁肉酸。午市套餐大体上分两类：「意式经典午膳套餐」（$128-$178 ）及「细致滋味午膳套餐」（$198-$248）。而我哋嘅团餐喺提供最平𠮶种，即「意式经典午膳套餐
酒店餐厅，始终环境会稍胜一筹，餐厅外有唔少露天位，不过，呢日嘅天气非常之热，又喺正午，无可能坐晌度食晏，第时秋凉，晌度食嘢就应该几写意。
室内方面，地方就颇为阔落，由门口行到笃尾，地方方都好大吓，并间分为几个区域。同埋一整边都喺落地大玻璃窗，透光度假十足，人都醒神啲，加上啲梳化椅舒服好坐。 不过，既然地方大，座位多，我觉得坐位可以安排好啲（唔知酒店问题，抑或旅行社问题），因为，我哋被逼同两个陌生嘅「团友」同枱，隔离位大叔就不停咁讲嘢，而我哋之间喺无任何胶板间住。酒店一般宁愿做少啲生意，啲枱隔开啲，啲客坐散啲，都唔会栋啲胶板咁肉酸。
午市套餐大体上分两类：「意式经典午膳套餐」（$128-$178 ）及「细致滋味午膳套餐」（$198-$248）。而我哋嘅团餐喺提供最平𠮶种，即「意式经典午膳套餐」$128价位𠮶种，包餐汤或沙律、主菜4拣1、基本餐饮。
枱上已放好精致嘅餐具，以及橄榄油、黑醋、盐、黑椒……等基本调味料。
意大利香草包先上面包篮，喺小弟嘅心水之一意大利香草包，仲喺热烘烘，入口非常软熟，阵阵香草味，沾少少橄榄油同黑醋已好好食。同团嘅大部份都喺上年纪嘅，唔惯，甚至唔知点油醋食，个个举手要求俾啲牛油，一于各施各法。
菌菇忌廉汤是日餐汤只喺好普通嘅忌廉汤，其实做得一啲都唔差嘅，质感柔滑，只喺因为既为酒店内嘅餐厅，理应唔预期咁普通啫。
田园沙律另一款头盘喺沙律，如图亦唔见得点样有特色，都喺一啲沙律菜，再加啲车厘茄及黑橄榄，淋上黑醋，不过，啲黑醋好香醇，喺食得出靓料。
黑椒吞拿鱼尼高斯沙律 $128 老婆就拣呢道沙律作主菜，纯粹因为喺素而已，加上都唔知咩叫尼高斯沙律，咪试试啰。其实就喺以烧过嘅吞拿鱼，再配上鸡蛋（有啲为美观会用温泉蛋）、薯、蔬菜底组合成，再淋上醋汁，喺比较清新嘅一道沙律。不过，老实讲，食材用料就唔差嘅，但卖相就绝不突出，好堆砌嘅感觉。
香草蕃茄肉丸长通粉 $128 小弟就拣咗一份长通粉，本来就想试薄饼，但怕太多一个人食唔晒，长通粉份量啱我啲。长通粉送到上嚟，真喺几失望，首先，睇落好「干峥峥」，汁都唔多，只喺肉丸面有啲香草蕃茄酱，仅此而已。长通粉查实都煮得咬口，但确喺唔够味，突出唔到香草蕃茄嘅味道，而肉丸口感都算松化，但并未让人留外深刻印象。
热咖啡、热柠水嚟到酒店嘅餐厅，饮热咖啡喺稳阵之选，只要用上唔差嘅豆，基本上冲出嚟嘅即磨咖啡都唔差得去边。
整体嚟讲，唔喺小弟之前嚟食过嘅水准，喺咪因为做「团餐」，时间要紧，最紧要出到餐俾啲团友呢？引起心中少少议论。觉得今餐除食物嘅质素有所下跌之外，服务亦无咁贴心，出菜「擒擒青」咁，前前后后唔使半个钟食完个午餐，好似去咗茶记咁。
张贴
