影片
更多
2023-07-31
1367 浏览
早几日，搭半山扶手电梯上嚟拍卡悭两蚊，回程偶尔经过呢间新店，个名都几特别，啱啱门口贴咗餐牌，望两眼八吓卖乜，蒟蒻面？健康嘢㖞，啱我老婆，所以揾晚大家都唔得闲煮饭就嚟叫外卖，做晚无饭夫妻。咪睇个门口细细，入到舖内都有少少深长，装修简约，以木系为主，加上别致嘅吊灯，感觉相当骨子，好有日系风，加上楼底较高，所以就算个铺比较窄身但都无乜局促感。由于一收工就过嚟，未喺饭市，无乜人。门口有啲外卖单张纸攞，所以，索性摆出嚟俾大家参考，基本上就喺蒟蒻为主打，可以喺饭，亦可以喺捞面，仲有啲汤水、沙律、开胃小食、饮品。餐牌更写住喺蒟蒻制品专门店，有可能喺全港首间，因为蒟蒻面（饭）我都喺第一次听，所以，先至咁好奇要试一试。今次就简简单单，试咗一款开胃小食，加两份主食，并加配两支饮品。五香牛腱 $38啲牛腱卤得好香、好入味，每块切得厚薄均一，入口口感松化得嚟，仲带少少韧劲，只可惜一客嘅片数唔多，食得未够喉而已。盐焗手撕鸡蒟蒻饭 $58多年前晌一家意大利餐厅食过一米型意粉，外观好似米粒，食落去口感跟意粉无分别，而今次呢个蒟蒻饭有异曲同工之妙，望落去同米粒一样无分别，比较晶莹，入口口感软身烟韧，好得意，而且，仲捞
咪睇个门口细细，入到舖内都有少少深长，装修简约，以木系为主，加上别致嘅吊灯，感觉相当骨子，好有日系风，加上楼底较高，所以就算个铺比较窄身但都无乜局促感。由于一收工就过嚟，未喺饭市，无乜人。
门口有啲外卖单张纸攞，所以，索性摆出嚟俾大家参考，基本上就喺蒟蒻为主打，可以喺饭，亦可以喺捞面，仲有啲汤水、沙律、开胃小食、饮品。餐牌更写住喺蒟蒻制品专门店，有可能喺全港首间，因为蒟蒻面（饭）我都喺第一次听，所以，先至咁好奇要试一试。
今次就简简单单，试咗一款开胃小食，加两份主食，并加配两支饮品。
五香牛腱 $38啲牛腱卤得好香、好入味，每块切得厚薄均一，入口口感松化得嚟，仲带少少韧劲，只可惜一客嘅片数唔多，食得未够喉而已。
盐焗手撕鸡蒟蒻饭 $58多年前晌一家意大利餐厅食过一米型意粉，外观好似米粒，食落去口感跟意粉无分别，而今次呢个蒟蒻饭有异曲同工之妙，望落去同米粒一样无分别，比较晶莹，入口口感软身烟韧，好得意，而且，仲捞咗啲牛蒡丝同埋肉碎，所以食落一啲都唔寡，口感丰富，至于啲手撕鸡，味道带点点咸香味，肉质算嫩滑，确喺几唔错。
蒜香辣椒焗扇贝捞蒟蒻面 $88本来想豪一豪试个龙虾捞面，不过卖晒，唔紧要，扇贝我都啱。初时我以为就咁俾啲扇贝肉落啲冷捞面度，原来唔喺，佢真喺原只扇贝另外焗，加上只扇贝肉好大件，真喺无欺场，入口好弹牙，鲜味十足，充满蒜香，而且睇样睇唔出真喺几强嘅辣劲，好彩我加配咗支柑桔水嚟解吓辣。个捞蒟蒻面都好正，因为伴有好多青瓜丝、甘笋丝、生菜丝、鱼仔干，再倒埋啲鲣鱼汤汁，就正正好似食日式冷面咁，天口热，食落就更加舒服、清爽，再者啲蒟蒻面真喺几有咬口，口感好唔错。
桃香乌龙冷泡茶+$8、柑桔水+$8饮品有加配优惠，同埋佢哋啲饮品真喺好健康吓，老婆就拣咗支桃香乌龙茶，其实，有出开街食饭饮啲冷泡茶都知都唙用一个茶包冲泡出嚟，所以桃味唔会好劲，然而个乌龙茶底都几香；小弟就选择咗个柑桔水，呢个真心推荐，因为柑桔味好浓，入口酸香清新，饮落好爽、好舒服。
无论店家嘅饭还是蒟蒻面，都有啲惊喜，最紧要喺食得健康，又几有特色。等外卖期间，同店长倾两句时，更话蒟蒻面喺啲低碳水化合物食品，啱晒减肥、要控制体重嘅人食，真喺长知识，我净喺谂好唔好食。
张贴
