影片
更多
2023-02-08
276 浏览
我可以用清新脱俗嚟形容佢嘅每一件蛋糕， 我觉得店主本身应该都系好钟意食蛋糕嘅人，好欣赏店主对于制作蛋糕口味上有自己嘅创意同想法，先讲一讲佢每一件都系咁，一开头食觉得味道有啲奇怪，因为佢大部分款式都唔系用我哋食开嘅whipping cream 所以啲忌廉嘅味道同我哋食开嘅味道唔太一样，奶味唔会好重！ 但食食下又觉得几好食！呢个系我最大嘅感受😂 问咗店员卖得比较好既口味系草莓、芋泥同原味，价钱系58蚊一件，但我觉得仍然算合理，虽然喺南丰中心呢个地段嚟讲，亦只提供外卖，但制作上睇到每件用料质量绝对系唔差！而且好大件！单系一粒草莓已经又大粒又甜又新鲜，呢一点已经系非常值得一赞！长崎县糖蜜草莓配海盐芝士奶盖提拉米苏你唔好想像佢同一般嘅草莓忌廉蛋糕味道一样，其实系完全唔同，呢款因为海盐芝士奶盖，带点咸香，应该有加cream cheese，面层嘅忌廉完全就系exactly芝士奶盖， 平时饮奶茶𠮶只，中间𠮶层混合草莓果酱嘅忌廉，味道酸酸甜甜，仲有啲草莓粒嘅咬口，唔错！ 经典原味提拉米苏，两层手指饼干×两层忌廉有咖啡苦味我钟意，但手指饼干浸咖啡浸得太湿出晒水！ 呢一点要扣分！虽然有咖啡味但冇蛋味， 同
我可以用清新脱俗嚟形容佢嘅每一件蛋糕， 我觉得店主本身应该都系好钟意食蛋糕嘅人，好欣赏店主对于制作蛋糕口味上有自己嘅创意同想法，先讲一讲佢每一件都系咁，一开头食觉得味道有啲奇怪，因为佢大部分款式都唔系用我哋食开嘅whipping cream 所以啲忌廉嘅味道同我哋食开嘅味道唔太一样，奶味唔会好重！ 但食食下又觉得几好食！呢个系我最大嘅感受😂 问咗店员卖得比较好既口味系草莓、芋泥同原味，价钱系58蚊一件，但我觉得仍然算合理，虽然喺南丰中心呢个地段嚟讲，亦只提供外卖，但制作上睇到每件用料质量绝对系唔差！而且好大件！单系一粒草莓已经又大粒又甜又新鲜，呢一点已经系非常值得一赞！
长崎县糖蜜草莓配海盐芝士奶盖提拉米苏你唔好想像佢同一般嘅草莓忌廉蛋糕味道一样，其实系完全唔同，呢款因为海盐芝士奶盖，带点咸香，应该有加cream cheese，面层嘅忌廉完全就系exactly芝士奶盖， 平时饮奶茶𠮶只，中间𠮶层混合草莓果酱嘅忌廉，味道酸酸甜甜，仲有啲草莓粒嘅咬口，唔错！
经典原味提拉米苏，两层手指饼干×两层忌廉有咖啡苦味我钟意，但手指饼干浸咖啡浸得太湿出晒水！ 呢一点要扣分！虽然有咖啡味但冇蛋味， 同传统提拉米苏冇可比性！
北海道豆乳丸子提拉米苏，中间有年糕夹心做得相当出色，非常之拉丝软糯，放过一晚都唔会变硬！
厚手工芋泥提拉米苏芋泥占比唔系好多，所以食落芋泥味道唔会好浓！
海盐焦糖蜜栗子提拉米苏呢款系我最期待嘅口味， 因为我本身劲钟意食蒙布朗，食落都系同其他口味一样有同样问题，忌廉份量太多而且加咗vanilla oil嘅cream？所以食落第一啖栗子嘅味道唔系最突出！但中间𠮶层混合栗子蓉嘅忌廉系好味嘅！
老实讲，钟意食忌廉嘅人一定会好钟意， 因为佢每一件款式嘅忌廉比例都超级多，可能有人会觉得应该忌廉减少占比，多番一层手指饼干，但我觉得呢点系睇返个人口味，有啲人钟意食cream就会好钟意！但我著重系佢喺甜度嘅把控，欣赏佢系用零卡糖，好彩佢系用零卡糖制作所以食落先唔会太腻，而且我本身钟意食甜品，所以一口气食晒成件都冇咩问题！ 我睇网上有人讲佢嘅忌廉系用mascarpone 加vanilla oil， 确实味道真系有啲似！
Btw其实我觉得佢可以比例上落番多啲whipping cream 令整体奶味更加香浓会更好！ 依家佢称唔上系一件提拉米苏只可以话系一件精致夺目嘅蛋糕，靓到发射心心眼嘅程度😍 因为佢只喺部分制作上参考咗提拉米苏嘅做法，使用手指饼干代替一般嘅蛋糕胚，但味道上有缺少咗提拉米苏应有嘅蛋香浓郁风味！
但整体上都好欣赏呢间小店嘅心思同风格，有关注店家平台都知道成日出新款式，完全感受到佢用心制作同埋对甜品嘅热爱，相信店主日后亦都会慢慢改良蛋糕嘅口味，支持小店！
之后经过会再试下其他口味，店员都好热烈推荐「芋治金时配年糕夹心」佢话有同事一口气买咗4件食，有机会再试下！
张贴
