梁慶記

营业中

休息中

讲真食得多鲍参翅肚，间中都想简简单单，就算一碗白粥，我都觉得好满足。今晚就过黎北角试试呢间，已经营运过百年既澳门老字号「梁庆记」，亦受米芝莲推介过，佢地既地道正宗风味，就系果份价值，果份坚持，并唔系单纯可以用钱黎衡量！👇🏻📌招 牌 推 介 -▪️ 蛋 盖 猪 扒 饭 - $59▫️ 我朋友嗌左个「蛋盖猪扒饭」，猪扒外层带微微香脆，食落肉质爽口弹牙，完全唔韧，面头放上一大块炒滑蛋，口感相当滑溜，加左4蚊仲有加底，够哂饱肚；加左24蚊仲可以转set，送一杯饮品同埋小食；佢就拣左杯「玫瑰桂圆花茶」同埋「炸云吞」；花茶入口清幽解腻，而炸云吞亦系新鲜即炸，够哂脆口；套餐额外再加16蚊嗌左个「卤水豆腐」，吸收哂满满卤水汁，份外惹味。▪️ 虾 籽 捞 面 - $63▫️ 另外不得不试呢个地道「虾籽捞面」，先讲捞面，食落完全无碱水，口感极为爽弹，面头洒满大量虾籽，咸鲜味丰富，同样拣左主食系「猪扒」，加左10蚊双拼要埋「辣金钱肚」，金钱肚极有咬口，烟韧无比，最紧要系多葱，同样24蚊转埋套餐，嗌埋碟「腩汁生菜」同埋冻柠茶，今晚真系完美收货啦！