影片
更多
2021-04-16
2768 浏览
睇番啲记录，刚好4年前帮衬过「饺掂手工饺子云吞专门店」太子店，自始之后都未有再光顾过，原来，晌中环都有开分店，真喺无特别去留意都唔知咁近我。虽然是晚老婆上堂无饭开，但从不孤单一个，约咗行山友兼老死发哥简单食一餐聚一聚，收工行过嚟都唔使10分钟。比起曾帮衬过嘅太子店，呢间分店都好蚊型，室内座位唔多，目测大概廿个左右，装修简约，一边墙上有啲饺子彩绘，另一边有始人嘅肺腑之言，长文一篇，唔知有几多人会睇晒。虽然堂座唔多，但外卖生意就几火吓，见到餐厅不停哋出外卖。 餐具、纸巾、特色调味料已放晒晌枱上，可惜，唔见有晌太子店摆出嚟嘅酸泡菜，有少少印象，腌得好正吓。 研究吓有咩饺子好食，翻一翻餐牌，头版有店家嘅介绍，不经不觉，原来已开到有5间店铺。 仲有，上面提过嘅泡菜「新鲜酸萝卜」，堂食唔见有免费供应，但就可以原樽买走，真喺识做生意。另外，仲有啲招牌自家制酱料作零售。 睇店名都知，店家主打嘅都喺饺子，尤其以松茸入馔，饺子嘅款式非常之多，有灼嘅，有煎嘅，亦有唔同份量，增加点菜嘅弹性。除饺子，仲有面食、凉菜及饮品，图文并茂，印刷精美。 黄金原味皮蛋 $28皮蛋当然食唔少啦，不过，唔喺「黑掹掹」，而喺一
比起曾帮衬过嘅太子店，呢间分店都好蚊型，室内座位唔多，目测大概廿个左右，装修简约，一边墙上有啲饺子彩绘，另一边有始人嘅肺腑之言，长文一篇，唔知有几多人会睇晒。虽然堂座唔多，但外卖生意就几火吓，见到餐厅不停哋出外卖。
餐具、纸巾、特色调味料已放晒晌枱上，可惜，唔见有晌太子店摆出嚟嘅酸泡菜，有少少印象，腌得好正吓。
研究吓有咩饺子好食，翻一翻餐牌，头版有店家嘅介绍，不经不觉，原来已开到有5间店铺。
仲有，上面提过嘅泡菜「新鲜酸萝卜」，堂食唔见有免费供应，但就可以原樽买走，真喺识做生意。另外，仲有啲招牌自家制酱料作零售。
睇店名都知，店家主打嘅都喺饺子，尤其以松茸入馔，饺子嘅款式非常之多，有灼嘅，有煎嘅，亦有唔同份量，增加点菜嘅弹性。除饺子，仲有面食、凉菜及饮品，图文并茂，印刷精美。
黄金原味皮蛋 $28皮蛋当然食唔少啦，不过，唔喺「黑掹掹」，而喺一身金黄嘅皮蛋就好少食，贪得意就点一客。其实，味道跟平常食到嘅黑色皮蛋无咩分别，一样外层爽弹，蛋黄绵绵，嗒落有回甘。
自家制山楂雪梨水 $20友人拣咗雪梨水，单睇啲色泽，已觉得好够味，佢就话啲梨味意外哋好浓郁，而山楂味唔喺好重，只喺令到杯饮品渗出微微嘅酸爽。
蜂蜜柠檬薏米水 $20小弟就拣咗杯健康有营嘅薏米水，入口都颇滋润，柠檬就令到口感好清新。虽然，叫咗喺冻嘅，但实质只喺凉凉哋啫，但都已OK，反正天气又唔喺热。
龙凤松茸双煎饺 $86饺子方面，一早就睇过啲人嘅食评，所以，一心一意试试呢一款有黑松露及白松露嘅龙凤松茸双煎饺，一客共有8只，只只都煎得金黄。每只饺子都包到胀卜卜，一口咬落去，睇得到外皮好薄，真喺甘香脆口，饺内塞满肉馅，无乜太多虚位剩，而猪肉饀刴得幼细，口感松化，仲有阵阵松香气。
龙凤松茸双煎饺
$86
32 浏览
0 赞好
0 留言
寿喜烧牛肉煎饺 $74呢一款就有中碗（7只）及大碗（10只）供选择，前者卖$56，后者卖$74。其实睇样份份煎饺都一模一样，外样煎得香脆，而呢款饺标到明喺新鲜牛肉制，亦喺好足料，入口牛肉馅好嫩滑，富肉汁，好有肉香，带点洋葱嘅清甜味，着实都好好食，老友就话都几特别。
寿喜烧牛肉煎饺
$74
53 浏览
0 赞好
0 留言
四川凉面 $30怕净食饺子唔够饱，点多客四川凉面打打底，其实，由于啲饺子几足料，所以，食咗咁多只都有番咁上下。而凉面拣咗少辣，），洒上花生碎、葱花，捞匀食又确喺几惹味，又凉凉哋，少辣个辣度小弟都接受到。
试咗两款饺，老友都大赞几有特色，尤其松茸饺，非常幽香。只喺略嫌地方细，所以，佢就话下次带埋屋企人去试试太子店。
张贴
