影片
更多
2019-04-19
1330 浏览
之前去亲1881 Heritage都系嚟影圣诞灯饰，但今次我哋初尝位于1881 Heritage既餐厅，就系Van Gogh SENSES。Van Gogh SENSES 主要分为两大区，一入门口系卖纪念品嘅地方，经过纪念品区就会到达用餐区，挂系墙既LED屏幕一直播放梵高嘅作品，一路行令我感觉彷如身处画廊。一坐低发现楼底非常高，私隐度亦高因为枱与枱之间嘅距离非常足够，同女友讲秘密都唔需要窃窃私语。Set Dinner有头盘、餐汤、主菜同甜品。主菜可以二选一，我哋每人叫一个set dinner，可以试晒两款主菜。职员会预先问我地有冇食物过敏，非常贴心。职员好快送上一客面包篮，里面包括葱油包、合桃无花果面包等等。前菜为三文鱼他他配牛油果及蜜糖芥茉酱，职员建议我哋所有材料一齐食，口感更佳。卖相方面美不胜收。三文鱼他他特别软嫩，芥茉酱带有少少辣度，更能突出三文鱼嘅鲜味，牛油果同三文鱼他他亦系绝配。餐汤系青芦笋汤配带子藜麦。我自己麻麻哋藜麦，不过整体味道出色，尤其系自己非常钟意芦笋。另外，带子处于半透明嘅状态特别鲜甜。终于到主菜啦！女友拣左烤美国肉眼五成熟，虽然size比较细，但切开肉眼时见到迷
一坐低发现楼底非常高，私隐度亦高因为枱与枱之间嘅距离非常足够，同女友讲秘密都唔需要窃窃私语。
Set Dinner有头盘、餐汤、主菜同甜品。主菜可以二选一，我哋每人叫一个set dinner，可以试晒两款主菜。职员会预先问我地有冇食物过敏，非常贴心。
职员好快送上一客面包篮，里面包括葱油包、合桃无花果面包等等。
前菜为三文鱼他他配牛油果及蜜糖芥茉酱，职员建议我哋所有材料一齐食，口感更佳。卖相方面美不胜收。三文鱼他他特别软嫩，芥茉酱带有少少辣度，更能突出三文鱼嘅鲜味，牛油果同三文鱼他他亦系绝配。
三文鱼他他配牛油果及蜜糖芥茉酱
23 浏览
0 赞好
0 留言
餐汤系青芦笋汤配带子藜麦。我自己麻麻哋藜麦，不过整体味道出色，尤其系自己非常钟意芦笋。另外，带子处于半透明嘅状态特别鲜甜。
青芦笋汤配带子及藜麦
23 浏览
0 赞好
0 留言
终于到主菜啦！女友拣左烤美国肉眼五成熟，虽然size比较细，但切开肉眼时见到迷人嘅粉红色既一刻，我就知道味道必定非同凡响。外皮稍为香脆，肉质松软鲜嫩，肉味浓郁多汁。其他配菜例如薯蓉、甘荀亦相当出色。当然摆盘一如以往充满艺术气息。
烤美国肉眼
24 浏览
0 赞好
0 留言
我就拣左酿法国鹌鹑配风干猪腩肉。一切开果然内有干坤，鹌鹑酿入多种材料例如萝卜、烟肉等等，令肉质更加鲜嫩多汁，整体味道带点酸度，令我大开眼界。另外鹌鹑下方嘅配菜非常香脆。
酿法国鹌鹑配风干猪腩肉
21 浏览
0 赞好
0 留言
甜品系朱古力布朗尼配云呢拿雪糕，睇相片就知道卖相一啲都唔平凡。据职员描述，梵高一生画过四幅关于以鸟巢主题嘅画。由见及此，餐厅用朱古力做出鸟巢造型，再配甜度适中既布朗尼，体验双重朱古力滋味。以雪糕比喻画中嘅鸟蛋亦是一绝。
朱古力布朗尼配云呢拿雪糕
21 浏览
0 赞好
0 留言
最后每人有两杯餐饮。对比其他西餐厅，餐饮嘅选择非常广泛，上至冰茶，下至朱古力咖啡，一应俱全。我拣咗法式焦糖牛奶咖啡。同甜品做法一样，以火枪烧至面层焦化，制成脆口既焦糖面。焦糖嘅甜中和咖啡嘅苦涩，同时保留牛奶咖啡既香滑。
法式焦糖牛奶咖啡
20 浏览
0 赞好
0 留言
至于女友叫咗姜橙迷情，职员话等沙漏流完沙之后先倒茶。
姜橙迷情
14 浏览
0 赞好
0 留言
值得一提，餐厅所用嘅餐具格外精致高贵，后来发现原来纪念品店有得买。自己最想买姜橙迷情𠮶一set茶具。
我相信Van Gogh SENSES系我到目前为止最美好既晚餐体验。品尝食物之余又可以加深对伟大嘅画家梵高嘅认识，感受艺术，实属难得。
张贴
