小點角落 (新都會廣場)

营业中

休息中

话说今届港姐👙泳衣问答环节，其中一条问题系问佳丽觉得最能代表香港嘅两𩠌饭嘅𩠌喺边款，之后个佳丽答🥭杨枝甘露😂全场连司仪都O晒嘴😮，于是司仪再三同佳丽确认答案，点知佳丽坚持系杨枝甘露，于是第二日就成为网上热话，更加有恶搞版杨枝甘露两𩠌饭饭盒meme图。点知呢间餐厅真系有杨枝甘露两𩠌饭😱呢间餐厅叫小点角落，将香港街头小食带入舖。其实杨枝甘露两𩠌饭真身系鸡蛋仔套餐，$48一底原味鸡蛋仔🐣配一款自选甜品，当中就可以选🥭杨枝甘露。我觉得呢个餐好抵食，依家出街食一带鸡蛋仔都二十几蚊，一碗杨枝甘露至少30至40蚊，呢度有梳化位坐坐得舒舒服服都系48蚊加一，如果钟意食榴梿嘅，仲可以拣榴梿甘露，感觉就更加抵。不过鸡蛋仔唔算好脆，杨枝甘露入面有好多潮式清心丸，所以都算饱肚。相对于$68嘅午市瑞士鸡翼捞面餐，真心觉得「杨枝甘露两𩠌饭」更加抵食。一点午市时段，四款lunch set已经有其中两款卖哂，真系有啲无心恋战feel。