榴蓮王 (已結業)

同朋友喺庙街食完煲仔饭，喺街头见到呢间榴梿王，同样都系榴梿控嘅我哋就即刻决定食埋甜品先走。猫山王榴梿Pizza＄88芝士加榴梿两样浓味食物，原来加埋一齐夹到不得了。薄薄嘅批皮上面放上车打芝士，再铺满榴梿蓉，最后加上水牛芝士，味道是香、甜、软、浓于一身。店员落芝士是毫不手软，拉丝效果强劲。批底果然极薄，口感似薯片，令整体更香口。超推介呢个榴梿Pizza ,食完仲想食。D24榴梿卷＄42两条榴梿卷拣左D24，比起浓郁既猫山皇，D24个味道比较清甜，好岩冻食。软熟既饼皮入面全部系果肉，同班戟唔同，里面并无加入忌廉，真材实料，啖啖都食到榴梿甜味。热既桔仔水，酸酸甜甜可解腻。