潮丸 (已結業)

点解用个「叹」字？鱼蛋粉我食得多，但去亲堂食都系逼到死，人人都食得好急，食嘢慢嘅我为咗唔占位都要狼吞虎咽起嚟—十几蚊碗粉，坐得耐都唔好意思啦~今次同朋友嚟食粉都唔洗急住走~开喺金马伦道，侧边都系高级日本菜，潮丸定价高啲都好合理。入到去店员亲自递MENU畀你，原来系循环再用式MENU未试过食碗粉都成份定食咁下午茶款款定价一样，精明嘅我当然系叫返午市较贵嘅款，猪三鲜嘅扎肉同腩肉平时嘅粉面舖比较少有，就叫呢样啦！食面一定要饮头啖汤！清澈汤底估唔到几重牛味。米线比较有咬口。三种入面最钟意扎肉。虽然冇越式扎肉嘅胡椒味，但肉眼都见到扎肉肥瘦肉比例几乎一比一，肥肉爽口弹牙唔油。另外两样未见惊喜，但绝对冇失手位。酱料超水准！辣椒油入面嘅辣椒干仲系脆身，辣油主要系提香，冇谂过黄/红灯笼椒先系辣味大佬！灯笼椒比较咸，而且好辣，大家唔好一次过落太多呀！炸云吞好吸引，所以我哋一面一小食SHARE。一咬「嗦嗦」声！口入面咬紧只虾，影相嘅云吞仲有一只！云吞细细竟然都咁足料~虽然价位有点高，不过包饮品，喺呢条街已经系较平民嘅选择喇。