永發茶餐廳 (已結業)

7-2-2011放了几日农历年假都无食过茶餐厅, 是日奶茶 / 公仔面瘾终于爆发 , lunch 立即揾间茶记搞掂. 叫了有炸鸡全翼鸡肉肠出前一丁 ("default" 系拉面, 转出前一丁要加 $3) 的其中一款常餐 ($30), 跟一杯饮品.饮品叫了冻奶茶 (冻饮加 $2): 色水好「奶」, 饮落唔算滑, 可幸唔会太甜或太多奶, 茶味够, 亦够晒多碎湿够晒冻, 收货了.炸鸡全翼 + 鸡肉肠出前一丁: 鸡全翼炸得透, 鸡肉几嚡 / 干 / 老, 鸡皮就十分薄脆, 但可惜两只都浸了落 MSG 汤里, 食得一只又顾唔掂另一只, 结果还是逃不过「软皮」的命运 出前一丁渌得过腍 (不过可幸未到「发水」/「入口即溶」的地步...), 唔觉麻油味 (...! ), 亦索得太多 MSG 汤底, 食落较咸, 几扫兴的; 鸡肉肠就系「厨师」, 不过食落成阵酸涩味, lur 都 lur 唔切.放低 $35, 食饱但唔满意, 兔年第一个工作天都要喊了 -- 都怪自己忽然发晒神经咁想食公仔面吧.