影片
更多
2008-09-17
30 浏览
农历八月十四日 2008年9月13日星期六 晴 今年中秋忙著搬屋, 心念食餐劲海鲜当做节补返数奖励下自己同太太! 正当考虑紧去西贡定鲤鱼门食之际, 话都无咁0岩！突然收到好友小姚来电，问我地有冇兴趣去布袋澳食海鲜迎月? 当然第一时间举脚赞成喇! 去布袋澳除左可以系将军澳1宝琳地铁站坐绿VAN外, 其次就要自驾或打的。我地一行五人当然揸番自己部砵砵车。原来衣家去布袋澳食海鲜泊车系有特别安排, 人客祗需沿进入布袋澳的小路泊在路傍, 一架跟一架, 泊好车后便可乘搭海鲜食店安排的穿梭货VAN落番村口, 非常方便。如果你是帮衬食海鲜(任何一间), 穿梭货VAN服务费仲全免添! 记住食完海鲜埋单时打个印系张乘VAN证度就免费! 讲番食海鲜, 全布袋澳渔村只得两间海鲜饭店, 一间叫『发记』, 另一间叫『海鲜岛』, 我地拣左后者, 几乎全部枱都系室外, 部份仲系露天添 。 我地拣左张系码头尽头同露天0既枱, 可以系八月十四个月光下叹美味海鲜... 先去大门口个海鲜档拣生猛鱼虾蟹, 今餐食D乜? 白灼海虾 椒盐濑尿虾 清蒸原只鲜鲍鱼 鲜活墨鱼剌身弍食 清蒸腊肠斑 豉椒炒蚬 沙姜鸡脚 腐乳椒丝唐
今年中秋忙著搬屋, 心念食餐劲海鲜当做节补返数奖励下自己同太太! 正当考虑紧去西贡定鲤鱼门食之际, 话都无咁0岩！突然收到好友小姚来电，问我地有冇兴趣去布袋澳食海鲜迎月? 当然第一时间举脚赞成喇!
去布袋澳除左可以系将军澳1宝琳地铁站坐绿VAN外, 其次就要自驾或打的。我地一行五人当然揸番自己部砵砵车。原来衣家去布袋澳食海鲜泊车系有特别安排, 人客祗需沿进入布袋澳的小路泊在路傍, 一架跟一架, 泊好车后便可乘搭海鲜食店安排的穿梭货VAN落番村口, 非常方便。如果你是帮衬食海鲜(任何一间), 穿梭货VAN服务费仲全免添! 记住食完海鲜埋单时打个印系张乘VAN证度就免费!
讲番食海鲜, 全布袋澳渔村只得两间海鲜饭店, 一间叫『发记』, 另一间叫『海鲜岛』, 我地拣左后者, 几乎全部枱都系室外, 部份仲系露天添 。 我地拣左张系码头尽头同露天0既枱, 可以系八月十四个月光下叹美味海鲜...
先去大门口个海鲜档拣生猛鱼虾蟹, 今餐食D乜?
白灼海虾
椒盐濑尿虾
清蒸原只鲜鲍鱼
鲜活墨鱼剌身弍食
清蒸腊肠斑
豉椒炒蚬
沙姜鸡脚
腐乳椒丝唐生菜
蒜茸油麦菜
杨州炒饭
海鲜味度都可接受,
价钱同西贡墟都相差无几,
至于服务就有大量空间去改善!
而招牌菜甚么墨鱼刺身就可以放弃吧!
食饱海鲜仲有生果奉送, 遇0岩中秋及洪圣宝诞, 村内更搭起戏棚, 有免费神宫大戏睇添! 真系多谢晒小姚0既好介绍呢个「海鲜迎月饭局....虾好鲍圆庆中秋」!
BLOG: http://hk.myblog.yahoo.com/ykfat/article?new=1&mid=2547
张贴
