影片
更多
2024-04-02
2144 浏览
又喺大时大节同一大班亲戚食嘅家族饭，一向都有亲戚做搞手，约时间、拣酒楼，我哋呢啲后辈嘅到时去到就喺食同俾钱。而今次拣嚟呢间「渔湾海港」其实就喺之前曾经食过嘅「百汇轩」，格局完全无变，似乎又喺中式酒楼惯上嘅手法，执咗又开返，大多数都喺逃避下啲债项之类。环境就唔多讲喇，都喺一贯中式酒楼格局，虽然有啲逼，但都光猛整洁。而我哋今日拣嘅系叫「喜气洋洋宴」全包$3,888，菜式好丰富，同埋呢类全包宴一个价定晒，唔使烦兼且比散叫碟头大。鸿运乳猪大拼盘个人嚟讲我就喜欢大拼盘多个乳猪全体，因为可以试到多啲嘢食，况且唔喺个个人都钟意食乳猪，大拼盘就俾佢哋有得拣，呢个拼盘除咗乳猪，就仲有叉烧、油鸡、猪脚仔、海蜇，高质素又唔算，叫喺样样都唔错。上汤大虾球伊面虽然唔喺龙虾，但啲大虾坚大只，都好有睇头，况且，大虾都有好处，就喺唔使剥壳，可以大大啖肉放入口，爽甜弹牙；啲伊面亦煮得恰到好处，唔会过腍，又碎湿湿。黄金百花球无炸蟹钳，都有百花球，其实即喺炸虾丸，跟大虾球伊面有少少重复，但炸嘅始终味道唔同，加上炸得金黄，够香口，咬落唔油，又爽弹，沾上甜酸酱，食味更好。碧绿蚌片伴彩凤个名就改得好靓，简单嚟讲就即喺西芹鸡柳，再
环境就唔多讲喇，都喺一贯中式酒楼格局，虽然有啲逼，但都光猛整洁。而我哋今日拣嘅系叫「喜气洋洋宴」全包$3,888，菜式好丰富，同埋呢类全包宴一个价定晒，唔使烦兼且比散叫碟头大。
鸿运乳猪大拼盘个人嚟讲我就喜欢大拼盘多个乳猪全体，因为可以试到多啲嘢食，况且唔喺个个人都钟意食乳猪，大拼盘就俾佢哋有得拣，呢个拼盘除咗乳猪，就仲有叉烧、油鸡、猪脚仔、海蜇，高质素又唔算，叫喺样样都唔错。
上汤大虾球伊面虽然唔喺龙虾，但啲大虾坚大只，都好有睇头，况且，大虾都有好处，就喺唔使剥壳，可以大大啖肉放入口，爽甜弹牙；啲伊面亦煮得恰到好处，唔会过腍，又碎湿湿。
黄金百花球无炸蟹钳，都有百花球，其实即喺炸虾丸，跟大虾球伊面有少少重复，但炸嘅始终味道唔同，加上炸得金黄，够香口，咬落唔油，又爽弹，沾上甜酸酱，食味更好。
碧绿蚌片伴彩凤个名就改得好靓，简单嚟讲就即喺西芹鸡柳，再夹啲蚌片炒埋一大碟，味道OK嘅，食起嚟啲西芹同蚌片都好爽口，而啲鸡柳都几嫩滑。
红烧竹笙鸡丝烩燕窝一围围菜通常都有鱼翅，不过呢度就有得俾你拣烩燕窝，小弟都戒咗食翅多年，所以，烩燕窝就更加啱我啲，个羹都几足料，质感亦都唔错，唔会过稀，亦都唔会过「杰」。
蚝皇金钱鲍螺片过时过节啲菜式当然改名觉得好意头，甚么金钱即喺大花菇，啲花菇真喺几靓、几大只，好有菇香，而且咬落爽口；至于啲螺片，亦都炆得都好软滑，有少少轫劲，个蚝皇茨勾得几唔错。
清蒸沙巴龙趸正所谓年年有余，蒸鱼菜式又点可以无呀，呢一条清蒸龙趸睇落去已经觉得好足斤两，不过，大家都觉得有少少蒸过笼，肉质未够滑，反而有少少实肉。
蒜香脆皮烧鸡虽然炸得比较色深，总之未㶶都OK，外皮确喺好香脆，咬落肉质嫩滑，有鲜鸡味，一啲都唔失礼，而且，切得够俐落，唔会食到有咩碎骨。
福建炒饭 接近尾声又喺炒面饭登场嘅时间，呢一个福建炒饭食落口个饭底觉得炒得未够散，幸好啲饭粒都喺爽口，不过，略嫌个芡汁太糊，少少影响个口感，𩠌料亦都算相对少。
桃包啲桃包做得几好㖞，大大个摆满整个蒸笼，而且包身好软熟，亦唔太黏牙，内里喺白莲蓉馅，唔喺好甜，味道唔错。如果里面加埋咸蛋黄就喺加分位喇。
鸿运庆年年跟桃包同时登场就喺红豆沙，我哋枱面仲食剩好多嘢，所以，阿姐就帮我哋分好晒一碗碗先上枱，啲红豆沙煮得几绵，仲起晒沙，此外，啲红豆味道亦颇清甜。
如果酒家嘅班底无转嘅话，咁啲食物质素保持到上一次嚟嘅水准，至于招呼方面，虽然今晚好旺，但啲侍应嘅招呼都算唔错，上菜嘅速度亦都OK，最紧要一班亲戚食得开心。
张贴
