萬麗咖啡室

营业中

休息中

又到圣诞，又到圣诞，去完旅行即收到「香港万丽海景酒店」邀请优先试食「万丽咖啡室」佳节限推嘅「穿梭炫丽之境」圣诞自助大餐！酒店大堂劲有气氛，楼底最高嘅位置早已竖起一棵高高嘅圣诞树，住客候房区旁亦设有一间圣诞屋仔供大众打卡。咖啡室摆出不少应节嘅鹿车、姜饼人、雪人及圣诞老人公仔等装饰，四周洋溢著温馨暖意。自助食物区嘅摆位格局同往年差不多，琳琅满目得黎仍保持卫生企理。最近门口为冰镇面包蟹、雪蟹脚、青口、鲜虾等海鲜，及刺身寿司。当中加插咗细细杯嘅杂锦鱼生丼，全部都好新鲜。冷盘有大路嘅冻肉、芝士、沙律吧。适逢普天同庆嘅日子，酒店就以北欧为主题，增添多款北欧菜式以作升华，包括尼斯沙律、腌制酸菜、沙甸鱼沙律等。几款预先混出嘅沙律中，个人最欣赏紫艳爽脆且清新消滞嘅腌大头菜沙律，同埋个挪威龙虾沙律，入面啲蔬果同龙虾肉一样咁鲜爽甜美。肥润香浓嘅挪威三文鱼配圆鳍鱼鱼子酱亦简单出色！虽然菜式尤其受欢迎，细佬留意到楼面嘅服务生及厨房团队一直不停加添，绝不吝啬，超赞！即点即煮嘅面档今期做紧龙虾喇沙，可任意加配爽弹嘅鱼片、溏心蛋蛋、芽菜同豆卜，惹味又暖胃。热食嘅圣诞升呢版当然唔少得圣诞火鸡啦！大师傅有求必应，想要边件