影片
更多
2013-09-06
107 浏览
记得年初喺openrice度睇过编报导，介绍「丸亀制面」独有o既流心天妇罗蛋，其实一路都想去试，无奈小肥极少过海，所以一拖再拖，结果要等到表妹约去红馆睇天生歌姬A-Lin o既演唱会，小肥表哥先终于有籍口去一尝此道「炸蛋」 ！唔过九龙真系唔知道原来iSQUARE咁方便，同地鐡站可称得上为连体婴；商场又有升降机由地鐡𠮶层上餐厅，真系悭返唔少时间同脚骨力 ！一早知道黎「丸亀制面」要排队，小肥好醒目地早几日就打定电话问服务生咩时间帮衬唔洗排咁耐 。哥仔好爽快地答我六点左右啦，所以当日我地两老表六点半前到。一边排队，一边谂食乜，时间好快就过；哈哈，其实都系等咗大概五分钟！同师傅仔落完单，攞完碗面，自选不同天妇罗菜式，付款，需时都系差不多五分钟。可能因为早，揾位都唔系一个问题，小肥只系嫌座位以及餐桌太细，活动空间太少，肥肥家族绝对唔可以一齐黎啰 。面档无论系煮食counter，天妇罗部，或者系座位都打理得颇为干净企理。以快餐店黎讲，收银哥哥，煮面师傅们，及清洁婶婶，所有员工o既态度都算友善，咁忙都唔会话黑面，而且仲有心机讲解落单流程，XO仔觉得好合格架啦 ！至于食物方面： 酱油萝卜茸
唔过九龙真系唔知道原来iSQUARE咁方便，同地鐡站可称得上为连体婴；商场又有升降机由地鐡𠮶层上餐厅，真系悭返唔少时间同脚骨力 ！一早知道黎「丸亀制面」要排队，小肥好醒目地早几日就打定电话问服务生咩时间帮衬唔洗排咁耐 。哥仔好爽快地答我六点左右啦，所以当日我地两老表六点半前到。一边排队，一边谂食乜，时间好快就过；哈哈，其实都系等咗大概五分钟！同师傅仔落完单，攞完碗面，自选不同天妇罗菜式，付款，需时都系差不多五分钟。可能因为早，揾位都唔系一个问题，小肥只系嫌座位以及餐桌太细，活动空间太少，肥肥家族绝对唔可以一齐黎啰 。
面档无论系煮食counter，天妇罗部，或者系座位都打理得颇为干净企理。以快餐店黎讲，收银哥哥，煮面师傅们，及清洁婶婶，所有员工o既态度都算友善，咁忙都唔会话黑面，而且仲有心机讲解落单流程，XO仔觉得好合格架啦 ！
至于食物方面：
酱油萝卜茸拌乌冬（$32/中碗）：见网上面咁多人推介，小肥当然系唔会执输，要叫返碗酱油萝卜茸拌乌冬黎食啦！第一次食自助式乌冬，感觉好新颖 ！师傅熟手地喺counter度烚熟一份乌冬，放入碗中，加上萝卜茸同青柠后，再转交客人自选酱油、葱花、天妇罗碎、同姜茸。网民真系冇介绍错，乌冬烟韧弹牙，以「丸亀制面」秘制o既鲣鱼酱油调味，配上适量o既葱花、天妇罗碎、同姜茸，集香脆弹牙清新于一身，真系抵XO仔激赞 ！
半熟蛋天妇罗（$10/只）：半熟蛋天妇罗个蛋黄居然已经熟透，毫不流心 ，既然「炸蛋」的心也实透了，小肥又点会唔失望呢 ？！当时嬲到连相都唔记得影！其次，个天妇罗「炸皮」太厚，而且成只蛋涷冰冰，天呀，认真失败 ！
自助快餐店形式经营o既「丸亀制面」，环境、服务、卫生都OK。酱油萝卜茸拌乌冬美味可口，价钱尚可接受，唯独是要十蚊鸡食只货不对办o既「炸蛋」，试问XO仔又点可以唔扣分呢 ！
张贴
