四季良晨 (迎海薈) (已結業)

今日去到马鞍山探朋友，玩完一轮后就食个晚餐，朋友屋企直接望到落去呢间台式餐厅，见到有位再搭电梯落去都好方便🎢 门面睇落都几有质感，有台湾小文青茶房感觉，吧台前放满布置，几有心思🏣菜单比较simple，全日套餐唔使烦，钟意食既野就全日都有供应。由卤肉饭到牛肉面有，十款主食已经cover咗台湾出名美食，仲有4种小食🤤 🍜手工花枝丸米线 $58花枝丸唔算太食得出系手打感，因为起胶唔算太多，咬落未算好弹牙，不过就都新鲜既唔会好软身无味。米线有咬口，汤底味道适中。 🥘红烧腱心牛肉面 $69呢个写住餐厅推介，水准的确系好d，汤头够香浓，牛肉足料劲多旧，仲有入味萝卜。面身系拉面式，幼身冇咁挂汤惹味。 🐮跟餐小食拣咗卤水豆腐同牛肚，豆腐丁吸哂汁好正，牛肚无腥味，肉质软嫩薄身唔错。