影片
更多
2022-09-04
2012 浏览
上个月初食完旺角嘅「山见」，死佬话够尽兴，不过，又想话再下一城，所以，推介嚟尖沙咀嘅「二锅头」，同样喺任饮任食，一般呢类放题式餐厅都喺限食个半钟或两个钟，但喺呢度嘅亮点喺逢星期日至四，享用「特级极上和牛」套餐喺无时限，就算食饱饱都可以继续坐吓、饮吓嘢、食吓雪糕，啱晒我哋呢啲磨烂席嘅死佬。 个场都几四正，无乜柱位，一眼睇晒，装修虽然简简单单，但胜在宽敞整洁，以4人方枱及8人圆枱为主，虽然喺平日夜晚，都有唔少客人帮衬。 先介绍吓呢度嘅玩法，以往好多鸡煲火锅，都喺先食个鸡煲，跟住加水打鞭炉，但呢度就升几级，先喺有3款煲任食（鸡煲、鸳鸯鸭煲、猪手煲），之后，拣个汤底打鞭炉。先俾个价钱牌大家睇睇，有3个价位：$218、$258、$318，大家食开都知，唔同价位在乎指定嘅选项多少、质素多高，其他放晌自助区嘅火锅料就任攞任食，大前提就喺唔好嘥嘢啦。我哋拣「特级极上和牛」，一来肉类选项多，又送多份澳洲M6和牛，二来就喺无限时，食到打烊都得，但温提一声，无限时限于星期日至四。火焰鸳鸯鸭煲先嚟鸭煲，食住再慢慢研究啲火锅料。鸭煲上枱，香气四溢，店员会为你兜炒一吓，再加入玫瑰露，点火，火焰四窜，够睇头，闻到阵
个场都几四正，无乜柱位，一眼睇晒，装修虽然简简单单，但胜在宽敞整洁，以4人方枱及8人圆枱为主，虽然喺平日夜晚，都有唔少客人帮衬。
先介绍吓呢度嘅玩法，以往好多鸡煲火锅，都喺先食个鸡煲，跟住加水打鞭炉，但呢度就升几级，先喺有3款煲任食（鸡煲、鸳鸯鸭煲、猪手煲），之后，拣个汤底打鞭炉。先俾个价钱牌大家睇睇，有3个价位：$218、$258、$318，大家食开都知，唔同价位在乎指定嘅选项多少、质素多高，其他放晌自助区嘅火锅料就任攞任食，大前提就喺唔好嘥嘢啦。我哋拣「特级极上和牛」，一来肉类选项多，又送多份澳洲M6和牛，二来就喺无限时，食到打烊都得，但温提一声，无限时限于星期日至四。
火焰鸳鸯鸭煲先嚟鸭煲，食住再慢慢研究啲火锅料。鸭煲上枱，香气四溢，店员会为你兜炒一吓，再加入玫瑰露，点火，火焰四窜，够睇头，闻到阵阵酒香，极有视觉效果。店员都好醒目，见我哋两个人，鸭煲喺半份，唔会一个煲撑饱晒我哋。
火焰鸳鸯鸭煲
37 浏览
0 赞好
0 留言
点餐就以二维码落单，方便快捷，又可以睇番点过乜，自己有无点错或点漏，基本上，整晚嘅落单都无乜错漏。食完个鸳鸯鸭煲，初时都有谂过再试埋个黑椒猪手煲，但唔计出面食物区自取任食部份，单喺透过二维码落单嘅肉类同海鲜都非常之多，根本都试唔晒。顺带一提，落单时小心啲，因为后几页又啲食物喺单点，需另外加钱。
自取酱料区未落下一部份火锅之前，简单介绍吓出面自取嘅食物区，先喺酱料，长长一排嘅火锅酱料有：干蒜、豆瓣酱、干葱、沙嗲酱、辣椒、蒜蓉、青葱、芫荽、豉油，咁冚住盖嘅仲有炸响铃、炸鱼皮，上面仲有出前一丁同啲韩国拉面。小弟就唔喜欢太杂，「求求其其」金银蒜、葱花、酱油就够晒！
自取火锅料一排过雪柜内有各式各样嘅丸类、饺子、肠类、牛柏叶、土鱿、猪皮、豆品类、午餐肉、蟹棒、烧卖、多款菇菌、蔬菜，以及年糕，全部都有晒名牌，都唔会唔知食咗咩，数一数都超过成50款，我哋都有拣少少嚟食。
自取饮品区既然喺任食任饮，介绍埋有咩饮品先，详细就唔讲喇，总之有汽水、有凉茶、有啤酒、有果汁，五花八门，梗有几款啱你饮，而且，补货都非常快。
老友好怀旧，拣咗罐沙士同芦荟，小弟就先嚟罐清爽嘅马蹄爽，衬番个鸳鸯鸭煲，都好耐无饮过呢类嘢，再加罐芒果汁打底，因为真喺几钟意芒果系饮品，其实仲蛹番啲鸿福堂凉茶解解燥热先。
胡椒猪肚鸡锅打鞭炉嘅汤底共有9款，虽然，唔喺咩奇奇怪怪嘅新款嘢，都喺见惯见熟嘅较传统嘅款式，就好似我哋所拣嘅「胡椒猪肚鸡锅」，饮得出真材实料，奶白色嘅汤底，渗出芳香却唔霸道嘅胡椒香，加上以鸡入馔，汤头多一份清甜，捞一捞，交足货。
胡椒猪肚鸡锅
13 浏览
0 赞好
0 留言
澳洲M6和牛二话不说，未落单，先跟汤底一齐送上一客澳洲M6和牛，啲色泽真喺好靓，色泽红润，油花分布平均，片片切得够薄，轻轻灼十数秒就够，入口真喺脂香满溢，肉质嫩滑得紧要，老友都大赞超好食。
澳洲M6和牛
12 浏览
0 赞好
0 留言
满心「肉」望我哋都算喺食饮兽，所以，第一轮自己点嘅嘢都喺以肉为先，包括顶级安格斯牛、黑安格斯牛颈脊、美国SRF极黑和牛、安格斯牛小腓，最钟意店家睇住人数供应，每样食材唔多，两、三件咁，所以，正正等我哋可以试到更多款式。
顶级安格斯牛
2 浏览
0 赞好
0 留言
黑安格斯牛颈脊
20 浏览
0 赞好
0 留言
美国SRF极黑和牛
9 浏览
0 赞好
0 留言
安格斯牛小腓
6 浏览
0 赞好
0 留言
拉「杂」成军呢一转就食番啲唔同嘅食材，由老友发办，佢晌冻柜执乜我就食乜，执吓执吓执咗两兜仔，包括炸响铃、炸鱼皮、潮州鱼蛋、猪肉丸、午餐肉、辣椒肠、鸡肉肠、鲜枝竹、炸枝竹、蟹棒。
明显都唔喺咩贵嘢，志在过吓口瘾，尤其响铃、鱼皮，就喺必然之选，不过，辣椒肠（即喺平常食自助餐嘅冻切肠）打鞭炉都喺第一次，老友讲笑咁讲，加个韩国拉面仲唔喺变成部队锅，哈哈！
食咗两轮，都喺时候加番啲汤，加汤唔喺加水架，真喺放番啲上汤，够诚意呀！
「肉」罢不能食完第一轮4款肉，当然未够喉啦，再下一城试另外4款，包括安格斯牛板腱、安格斯封门柳、本地鲜滑牛、纽西兰羊卷肉，因为仲要预食海鲜、蔬菜，所以，都唔敢一次点太多，豚肉、鸡肉都未有叫。
安格斯封门柳
12 浏览
0 赞好
0 留言
本地鲜滑牛
6 浏览
0 赞好
0 留言
同样，4款肉都好靓仔，牛板腱、封门柳之前都食过，知道喺靓部位嚟，所以，今次当然都唔可以错过，果然，食落就知质素非常高。都想特别一提，好多肉类都喺「来路货」，但本地鲜滑牛认真唔输蚀，口感坚嫩滑。
民以食为「鲜」喺时候都轮到试吓啲海鲜，唔介意可以加钱额外点啲珍宝虎虾、广岛蚝、鲍鱼叹吓，不过，我哋啲「孤寒鬼」就梗喺拣任食𠮶啲啦，一口气点咗8款：脆肉鲩鱼、白鳝片、吊筒仔、活海虾、帆立贝、活海蚬、花枝片、墨鱼滑。其实，睇外观，啲海鲜都几新鲜，有光泽，无话暗暗哑哑，而咁多样嘢之中，基本上质素有番咁上下，脆肉鲩鱼、吊筒仔、活海虾、花枝片、墨鱼滑呢几样喺小弟心水推介，喺可以翻点再翻点嘅食材。
脆肉鲩鱼、白鳝片、吊筒仔、活海虾、帆立贝、活海蚬、花枝片
3 浏览
0 赞好
0 留言
一「素」而空近尾声，都喺时候补番啲纤维质，一大份蔬菜拼盘由老友负责，佢话对住近廿款蔬菜，都喺求其执，我就一向随遇而安嘅，拣咗娃娃菜、金菇、白菜仔、生菜、鲜冬菇及南瓜，前段食咗咁多肉，志在揾啲蔬菜嚟平均番吓，减低满腹罪恶感而已。
甜品食到九乘半饱，最后，自不然以甜品作结，并填埋𠮶半乘位啦。晌酱料区侧边，放咗一大个雪糕柜，有雪糕，有雪条，食完火锅，再食番啲冰冻嘅雪糕、雪条感觉就特别爽。小弟一向喺甜品铁粉，所以，一口气就拣咗4样嘢埋位慢慢食，分别喺榴梿雪条、红豆雪条、冲绳海盐雪糕、芒果雪糕。以榴梿雪条觉得最正，浓郁嘅榴梿味，雪条质感好软滑，另外，冲绳海盐雪糕就第一次食，打开盖，原来喺咁蓝，咸咸哋，又好重奶味，都OK㖞！
榴梿雪条、红豆雪条、冲绳海盐雪糕、芒果雪糕
9 浏览
0 赞好
0 留言
今餐非常满足，因为试咗好多嘢，当然，最心水人脚最好就喺4-6人，因为够食力试齐3款煲之余，再试得多啲其他火锅配料，不过，今晚试到个鸭煲都好称心，而各款肉类都好掂，其他食材都好唔错，加上啲招呼又好，上火锅料好快手，又不时过嚟收碟、添汤。
张贴
