影片
更多
2023-08-25
1420 浏览
早前同朋友嚟过「海滨汇」食晏顺道行一行观塘海滨公园 偶然见到呢间居酒屋「矶の水产」，门面好大，外观望上去又甚具和风，睇睇价钱又OK㖞。约咗个晌观塘做嘢嘅老朋友食饭，佢话想趁福岛核癈水倾倒前食餐日本嘢，就想起呢一间屋酒屋喇。 由牛角头站行过嚟我觉得OK嘅，对比上次，夜晚嚟单喺门面，望上去更有气氛，而踏进餐厅内，确喺一室日式居酒屋风情，除咗天花嘅灯笼、墙上嘅挂画，一排清酒酒柜亦可以叫喺打卡位。此外，仲有一来地方大，二来楼底高，令整体嘅感觉非常舒服。 最有趣喺，有个位置直情做成寿司吧枱，可以一边睇住师傅整寿司，一边叹刺身、寿司，有啲似食厨师发办嘅感觉。 顺带一提，每个位下面都放有一个大竹箩，俾客人俾袋、摆杂物。 基本嘅调味、用餐小工具都已经放晌枱面，但最吸引眼球喺只日式瓦杯，非常别致，加上保温好，饮住暖暖嘅玄米茶感觉宁舍舒服。 作为一家屋酒屋，食物选择当然十分之多，如浜烧海鲜、佐酒小食、刺身、薄切鱼、寿司、手卷、天妇罗、串烧、一品料理、乌冬……等等，而酒类饮品就更加唔少得啦！左口鱼薄切刺身 $188先来一道季节鱼薄切刺身，呢期嘅季节喺左口，其实喺咩都无所谓，叫得季节信佢喺好嘢嚟。睇住成碟刺身
由牛角头站行过嚟我觉得OK嘅，对比上次，夜晚嚟单喺门面，望上去更有气氛，而踏进餐厅内，确喺一室日式居酒屋风情，除咗天花嘅灯笼、墙上嘅挂画，一排清酒酒柜亦可以叫喺打卡位。此外，仲有一来地方大，二来楼底高，令整体嘅感觉非常舒服。
最有趣喺，有个位置直情做成寿司吧枱，可以一边睇住师傅整寿司，一边叹刺身、寿司，有啲似食厨师发办嘅感觉。
顺带一提，每个位下面都放有一个大竹箩，俾客人俾袋、摆杂物。
基本嘅调味、用餐小工具都已经放晌枱面，但最吸引眼球喺只日式瓦杯，非常别致，加上保温好，饮住暖暖嘅玄米茶感觉宁舍舒服。
作为一家屋酒屋，食物选择当然十分之多，如浜烧海鲜、佐酒小食、刺身、薄切鱼、寿司、手卷、天妇罗、串烧、一品料理、乌冬……等等，而酒类饮品就更加唔少得啦！
左口鱼薄切刺身 $188先来一道季节鱼薄切刺身，呢期嘅季节喺左口，其实喺咩都无所谓，叫得季节信佢喺好嘢嚟。睇住成碟刺身件件都切到薄透，就知师傅刀功了得，啲左口好晶莹，排列整齐，非常吸睛！入口口感清爽，再沾上碟中嘅酸汁酱油，令到鱼鲜味更突出，确喺一道精彩嘅刺身。
左口鱼薄切刺身
$188
1 浏览
0 赞好
0 留言
炸樱花虾沙律 $78再落嚟食返个沙律清爽吓，沙律嘅款式都有唔少选择，而呢个炸樱花虾沙律都几特别，沙律菜、车厘茄淋上胡麻酱，其实本身都已经几唔错，再加上大量蚱过嘅樱花虾，多咗份香口感兼有一阵阵咸鲜香味，甚有画龙点睛之效。
炸樱花虾沙律
$78
1 浏览
0 赞好
0 留言
成日食加州卷，其实究竟加州卷里面嘅食材有无一个统一嘅标准呢？一直无去考究，好食就得喇。软糯嘅寿司饭包住青瓜、玉子、蟹柳，以一件卷物而言，基本上都几OK架，但当面头洒上超大量色彩鲜艳嘅蟹籽，就变得更有亮点。
三文鱼牛油果卷 $68三文鱼、牛油果都算喺几钟意嘅食材，尤其后者，我哋成日买嚟整多士。用嚟制作寿司卷当然啱食啦，里面卷住唔少牛油果，一啲都无手紧，面头仲有一片三文鱼，入口充满油香，加埋淋滑够晒熟嘅牛油果，口感好有一种柔润嘅感觉。
鸡肉丸串 $78食咗好几样都算叫做生冷嘢，依家就食番个热焫焫嘅串烧，手打嘅鸡肉串烧得外层焦香，望上已好吸引，加埋日本「月见」同酱油，呢个组合真喺无得输。咬落肉质真喺好松化嫩滑，又富肉汁，烧得确有一手，渗出炭火香，再沾满蛋浆，口感就多添一份滑滑溜。
牛肉乌冬 $88最后来一碗暖笠笠嘅乌冬，就肯定又饱晒啦。个乌冬份量唔少，啲牛肉仲要铺满晒，而且，牛肉薄切，稍稍以汤浸熟，所以，超嫩滑， 有种食越式生牛肉河嘅感觉。另外，啲乌冬都好正，滑溜得嚟又有份烟韧感，而且，个鲣鱼汤都好清香，凑埋成件事就系一份大满足。
牛肉乌冬
$88
2 浏览
0 赞好
0 留言
今日所试嘅大部分嘢，都比预期好好多，好好食 ，尤其过个薄切刺身同埋个乌冬，啱啱好一头一尾，有个好好嘅开始，之后有个圆满结束。同朋友食得都好称心，加上呢度环境好，招呼熨贴，是夜客人又唔算多，让我哋可以安安静静倾咗成晚偈。
张贴
