影片
更多
2024-01-06
73 浏览
本人一向好少批评一啲餐厅同埋员工，因为觉得服务性行业一啲都唔容易，但今次真系要大大力「称赞」呢间餐厅。点解会话佢系一间「社企」餐厅？ 因为佢请𠮶啲员工有啲系盲架。当我哋入到去餐厅坐低，已经觉得好焗同埋闻到一阵臭味，似啲嘢一直冇抹嘅味，心谂都算啦，小事嚟。因为觉得好焗，见到附近有人走，咁就转咗去另一张枱。当我哋转完枱，然后睇食咩到准备落单嘅呢段时间里面都冇一个人嚟执枱，我都几肯定啲员工系见到我哋系新嚟嘅客人，见到我哋枱上有上一枱客人留底嘅碗，因为有其中两个员工不断喺我哋身边经过，有个仲好好笑咁讲：「 点解冇人执嘅」 讲完之后就走开咗。 其实我都好想知点解☹️。咁到举手落单，个职员就问你哋系要执枱定系落单， 我心谂：「 呢一条系咩问题？」不过我都照答佢：「两样都系唔该。」过五关斩六将咁落好单后，迎嚟嘅系震惊我味蕾嘅食物。我叫咗个焗咖哩鸡扒饭，等咗十分钟嚟嘅却系鲜茄焗猪扒饭，我见到个饭都怀疑咗一阵，叫咗个职员嚟换。又等多十分钟(我个阵已经好饿)，终于嚟啱。当我满心欢喜，摆咗第一啖饭落口嘅时候，我又再怀疑多次，因为个饭系冇味！！！我食多几啖，勉强都食到有啲味嘅，例如系少少芝士味、腌𠮶块鸡扒嘅黑椒
点解会话佢系一间「社企」餐厅？ 因为佢请𠮶啲员工有啲系盲架。当我哋入到去餐厅坐低，已经觉得好焗同埋闻到一阵臭味，似啲嘢一直冇抹嘅味，心谂都算啦，小事嚟。
因为觉得好焗，见到附近有人走，咁就转咗去另一张枱。当我哋转完枱，然后睇食咩到准备落单嘅呢段时间里面都冇一个人嚟执枱，我都几肯定啲员工系见到我哋系新嚟嘅客人，见到我哋枱上有上一枱客人留底嘅碗，因为有其中两个员工不断喺我哋身边经过，有个仲好好笑咁讲：「 点解冇人执嘅」 讲完之后就走开咗。 其实我都好想知点解☹️。
咁到举手落单，个职员就问你哋系要执枱定系落单， 我心谂：「 呢一条系咩问题？」不过我都照答佢：「两样都系唔该。」
过五关斩六将咁落好单后，迎嚟嘅系震惊我味蕾嘅食物。我叫咗个焗咖哩鸡扒饭，等咗十分钟嚟嘅却系鲜茄焗猪扒饭，我见到个饭都怀疑咗一阵，叫咗个职员嚟换。又等多十分钟(我个阵已经好饿)，终于嚟啱。当我满心欢喜，摆咗第一啖饭落口嘅时候，我又再怀疑多次，因为个饭系冇味！！！我食多几啖，勉强都食到有啲味嘅，例如系少少芝士味、腌𠮶块鸡扒嘅黑椒味，仲有焗㶶咗嘅苦味咁啰， 简直系震惊我嘅味蕾，真系第一次食咖哩鸡扒饭可以系冇咖哩味，好想知个厨师系点做到，实在系高手。
最后我抱住唔好浪费粮食嘅精神，食晒成兜饭， 再迈住急速嘅步伐逃离餐厅。
总括而言，呢间餐厅有几样嘢值得称赞。第一，佢系一间「社企」餐厅，会请一啲有眼疾嘅员工。 第二，佢系一间「贴心」嘅餐厅，因为佢会请员工讲一啲好搞笑嘅说话去娱乐客人，例如「 你哋系要执枱定系落单」。 最后，佢系一间「隐藏高手」嘅餐厅， 因为佢可以将咖哩饭整到冇咖哩味。
请我都唔会再去食。
张贴
