喜來稀肉 (已結業)

系三年前，曾经有朋友介绍我食喜来稀肉，话质数高质，值得一试。但当时刚刚出黎做野钱唔多，所以迟迟未有机会试。临近情人节，有个藉口可以试试呢间「等咗4年」的烧肉。餐厅除了有单点外，仲有2人套餐，有猪或牛的拼盘可以选择。如果想再食豪D，更可以拣韩牛套餐。点餐过后，职员就将前菜送上。泡菜虽然唔多款式，不过胜在好够味。佢的泡菜的辣味比一般韩式餐厅再辣多少少，同埋无咁「梅」，食落惹味又爽口。今次我拣左食壹头牛套餐，套餐内的牛拼盘有五款不同部位的牛肉，包括牛肋骨肉、牛五花、特级牛颈肉、喜来烤肉及烤调味牛排骨。虽然呢个只系较平的牛肉套餐，但牛肉的质数绝对唔系「揸流滩」。钟意食肉味重的，您们应该会较钟意食牛肋骨肉及牛颈肉。钟意食油香的，一定唔可以错过牛五花，加埋葱丝的香，送埋饭就一流。而我系呢个拼盘内，比较钟意喜来烤肉。喜来烤肉的厚薄适中，而且入口肉味浓，就算唔点调味料，都绝对够香。除了常见的生菜，套装仲会包8个饭波，大家可以烧香牛肉后再点少少Wasabi放系饭上，咁就成为一件寿司。我食亲韩国野，一般都会叫泡菜饼。呢个海鲜泡菜饼的海鲜比平时餐厅食的较大粒，而且唔会只系得粉。点埋个洋葱香蒜酱油，真系好惹味