影片
更多
2021-07-02
1722 浏览
又喺两公婆完咗星期日聚会而打算即兴行转短山，打算由石篱起步，沿金山路行到去九龙水塘，再经树木研习径落番九龙接收水塘，之后经长坑村落美孚。所以，今日经过石荫一带，就偶然遇到呢一家老街坊粥铺，捉紧机会，两公婆就晌度简单食个轻便午餐。睇铺面你都见喺好旧式𠮶只，入到里面，就喺一片怀旧色彩，格仔地砖，一支支4呎白光管，旧式日历，仿如定格晌八、九十年代。而环视所见，嚟帮衬嘅人都喺占上年纪嘅居多，后生嘅就得好少。近门口一左一右，一边喺煮粥，一边喺炸油器，除油炸鬼、牛脷酥，仲有啲旧式嘅松糕。而天花仲吊住一包二包嘅食材，喺啲老铺先会咁。用啲咁嘅粉红色纸做餐牌，又喺老铺「专利」，好少餐厅会用啲咁「娘」嘅颜色，但就有种「老」味。食物嘅选择一眼睇晒，有粥品、肠粉、油品、小食及饮品，仲有几款传统中式糖水添，定价相当亲民。而枱上就放齐各款调味料，虽然老铺，但放得整齐，唔会污污糟糟咁。晌呢啲了粥铺食嘢，服务就无乜架喇，但啲店员阿姐都好有礼貌。鱼片艇仔粥 $23 老婆嗌咗碗鱼片艇仔粥，除葱花，并伴有咸脆花生粒。捞一捞其实都有几多料，尤其艇仔粥，一向都喺多料嘅粥款，啲鱼片亦颇鲜味，不过，佢就话粥底有少少杰，美中不足之处
睇铺面你都见喺好旧式𠮶只，入到里面，就喺一片怀旧色彩，格仔地砖，一支支4呎白光管，旧式日历，仿如定格晌八、九十年代。而环视所见，嚟帮衬嘅人都喺占上年纪嘅居多，后生嘅就得好少。
近门口一左一右，一边喺煮粥，一边喺炸油器，除油炸鬼、牛脷酥，仲有啲旧式嘅松糕。而天花仲吊住一包二包嘅食材，喺啲老铺先会咁。
用啲咁嘅粉红色纸做餐牌，又喺老铺「专利」，好少餐厅会用啲咁「娘」嘅颜色，但就有种「老」味。食物嘅选择一眼睇晒，有粥品、肠粉、油品、小食及饮品，仲有几款传统中式糖水添，定价相当亲民。
而枱上就放齐各款调味料，虽然老铺，但放得整齐，唔会污污糟糟咁。晌呢啲了粥铺食嘢，服务就无乜架喇，但啲店员阿姐都好有礼貌。
鱼片艇仔粥 $23 老婆嗌咗碗鱼片艇仔粥，除葱花，并伴有咸脆花生粒。捞一捞其实都有几多料，尤其艇仔粥，一向都喺多料嘅粥款，啲鱼片亦颇鲜味，不过，佢就话粥底有少少杰，美中不足之处。
碎牛粥 $19 小弟就要咗碗碎牛粥，果然喺便宜少少，只俾得啲葱花，无花生粒。捞一捞，粥内有好多碎牛肉，而啲碎牛肉混咗啲炸米粉，喺粥铺嘅独有产物。老实讲，粥底绵，但确喺杰身咗少少。
炸两 $12 因为行山关系，大家就唔食太多嘢，配一客炸两共享就可以喇。碟炸两包得麻麻哋就预咗喇，始终只喺卖12蚊，喺咁上下架喇，不过，入口油炸鬼仲喺脆口，始终喺现场即炸，肠粉皮又有米香，都收货啦。
餐后，天色特然转差，似有落大雨之势，稳阵起见，行山就被逼取消。依家，食粥都喺去啲连锁店多，因为，屋企附近嘅都喺啲连锁粥铺。啲老店粥铺都喺卖少见少，执一间就少一间，成日都听人讲点样点样支持本土，支持啲小店，但真正有支持嘅人感觉就好似得好少。
张贴
