馬祖台灣養生湯麵館 (留仙街) (已結業)

我有想像过当政府实施每间餐厅限制只可以每四人一枱，每张枱距离只有1.5米。如果我系餐厅老板，面对疫情生意大减已经好头痕既时侯，再迎接一浪接一浪既冲击，我相信我心灵上绝对唔会好轻松。可能系呢个咁恶劣既环境底下，你会选择留系屋企，足不出户，减少感染肺炎既机率，起码减低医护目前所承受既压力。而我，就坚持放工后一定要去餐厅帮衬，就算唔坐低，都希望可以嗌个外卖，帮补下佢地，或者系我可以做既小小力量。👇📌锅烧牛肉香葱海苔烧汁饭 - $55👉一条麻甩佬，食得唔算多，嗌左一碗饭同埋一个小食。呢个锅烧牛肉岩哂我呢d食肉兽，叫我唔食肉？仲辛苦过乜呀，肥牛烧得够香，味道够浓，配埋海苔味道做得几香口，而烧汁将成件事变得更加惹味，拎黎捞饭简直系罪恶感满分，如果有得免费添饭我谂坐底都三碗呀，呢个价钱认真食得过！📌麻辣白菜猪肉饺 - $25👉一碗饭又点够我饱呀，起码都嗌返碟饺子啦，呢个份量就岩岩好啦。话哂我都系半个饺子控，最爱就系白菜猪肉饺。而呢到既饺子厚薄适中，馅料又落足，食落味道清甜得黎，带少少后劲麻辣，食到爽口既白菜之余，又有少少猪肉香，唔错。