養心殿台式養生鍋 (已結業)

1

喺荃灣出名嘅火鍋打邊爐比比皆是，今日我就試咗其中一間都算幾多人推介嘅火鍋🍲

足料，烏雞好大只

$188

我地2女1男，叫咗個鴛鴦鍋，《美人鍋》搭《秘製薑母鴨鍋》，一撈起啲湯料，嘩真係好大隻烏雞，入邊啲藥材亦都好是料，真係淨係食依個鍋都飽咗一半個湯底嘅味道就真係十足我屋企媽媽煲嘅湯一樣，有啲老火湯嘅味道個湯底除咗雞味濃之外，仲有少少嘅甜味，可能係因為紅棗同埋大量桃膠嘅關係

超多桃膠😍

呢啲就真係叫足料桃膠是桃樹的天然分泌物，內含豐富的植物膠原蛋白及蛋白質，更不含膽固醇，功效尤如燕窩

足料👍

$168

秘製薑母鴨鍋，有輕微嘅薑味，藥材味比美人鍋重，重點亦都係非常足料，好多湯料都食得

鮮炸響鈴，即叫即炸，又脆又香👍

$68

新鮮即炸果然唔同啲，非常脆，我仲聞到佢有浸油炸嘅香味，必試

份量都唔少，脂肪分布平均，入口即溶👍👍

$238

手切牛肉，睇相你都見到佢嘅脂肪分布係好平均嘅，所以一啲都唔「銀」，肉質嫩滑，入口即溶又有牛味，推介

脂肪分布唔夠平均，部分肉粒較難咀嚼

$138

一口牛，有啲脂肪分布較多嘅牛肉粒，就非常「林」，但有啲冇乜脂肪嘅牛肉肉粒，就比較難咀嚼但份量都算幾多

芝士牛肉丸，鵝肝墨魚丸

$96

先講芝士牛肉丸，口感彈牙，牛味非常重，加上丸入邊有芝士，成個口感好crummy而墨魚丸亦都非常彈牙
，鮮味十足，證明佢呢度啲材料都幾新鮮

環境有格調，私隱度高👍

佢依度嘅格調，十足以前古代清朝嘅廂房雅座咁優雅嘅環境係普通酒樓嘅打邊爐不能相提並論，另外每台客人用屏風相隔，私隱度高

多用途牙籤

我都係第一次見，夠細心👍

以個湯底嘅材料來講，佢都算係我食過嘅火鍋入邊排前三甲佢仲有一個優點：就係加湯會加返本身個湯底果隻湯，令到湯底嘅味道唔會被溝淡

最後，記住留意唔同時段嘅折扣，有七折有五折