雞翼山 (裕民坊YM²)

营业中

休息中

我女朋友超钟意食鸡翼，而最近鸡翼山系香港开左分店，今日放工决定买鸡翼山外卖返屋企同女友分享。观塘分店主打外卖，见到一两个企位。值得一提系外卖袋好靓。- 不要仪态一人餐$68就有一个温泉蛋洋葱鸡翼丼，加上鸡软骨同唐扬虾，份量好足够。虽然酱汁唔系好够，不过笃穿温泉蛋可以当酱汁。唐扬虾连榖食，炸得超级香脆。另外鸡软骨完全唔粉又香脆。鸡翼拣咗原味，味道普通。- 12件鸡翼客人可以拣三款鸡翼，我哋拣咗泰式冬阴酸辣鸡翼、港式避风塘蒜香鸡翼同埋浓口樱花虾虾酱鸡翼。浓口樱花虾虾酱鸡翼最重口味，本身鸡翼已经炸得好脆，加上樱花虾真系双重脆味！另外虾酱咸香味十足，味道好浓郁。至于港式避风塘蒜香鸡翼最百搭，避风塘无论衬咩食物都好好味，鸡翼同避风塘当然都系Perfect Match🥰，外皮一样非常香脆，好食到连炸蒜都食晒！泰式冬阴功酸辣鸡翼最有惊喜，味道酸酸辣辣，冬阴功酱汁唔会令鸡翼外皮变稔，仍然脆卜卜。总结而言，三款鸡翼各有特色，但同样香脆嫩滑，我仲有九款味道未试！