媽咪雞蛋仔 (已搬遷) 新店位置

「听妈妈的话，别让她受伤。」自小就明白做人父母甚艰难，所以长大后就希望可以系佢地在生之时回馈一下。我知道有一间经典既鸡蛋仔店铺由一间籍籍无名既小店，做到而家业务扩展到超过十几间分店既「妈咪鸡蛋仔」。佢地系将首间将馅料放入鸡蛋仔里面，突破传统界限，制作用心又够创意，唔怪得之就算无食过呢个品牌，都一定会听过个大名！👇📌秋冬期间限定 -▪ 紫薯蕃薯鸡蛋仔 - $32▫ 新鲜滚热辣即叫即整，尤其是呢几日天气特别冻，暖笠笠真系岩哂。呢个秋冬限定既紫薯蕃薯风味，食落唔会有果种死甜。而蕃薯份量落足料，将紫薯蓉混合蛋浆，完佺唔会有饱饱滞滞既感觉，真系必食推介。📌经典鸡蛋仔 -▪ 粒粒朱古力 - $25▫ 又点可能唔试埋佢地经典既粒粒朱古力口味呢？每一粒鸡蛋仔都做到充满绵密既口感，中心涨卜卜之余，入口脆身弹牙。配搭浓浓既朱古力系里面，真系抵你连续三年拎到「米芝莲街头小食」推荐，实至名归！▪ 冻鲜榨柠檬茶 - $20▪ 冻鲜榨柠檬水 - $20▫ 一杯经典既冻柠茶同冻柠水，柠味充足，饮落啖啖甘香清爽。食完鸡蛋仔拎黎减下腻，的确唔错。