金卷食品

营业中

休息中

曾经喺岛民嘅小弟，真喺好多年无入南丫岛喇，最近好友入咗南丫岛走一转，仲专登买咗盒手工凤凰卷送俾小弟，实在唔话得嘞！出品嚟自「南陵金卷」，话时话，晌入面住过4年多，都无帮衬过买佢啲凤凰卷添。好友所送嘅喺「椰香凤凰卷」，朋友话都喺现场新鲜即制，不过，送到我手就梗喺制作好一段时间啦。虽然，单睇盒边嘅成份资料，无任何添加，但保质期都竟有21日之多！打开包装，包成两小包，每包有5件凤凰卷，叫做可以唔使一次过食晒10件。 一口咬落去，非常之松脆，外皮亦甚有蛋香，而内里有唔少椰丝同白芝麻，确喺几有椰香。因为唔知卖几多钱一盒，好难讲抵唔抵食，但质素算得上唔错。顺口都再一次多谢老友嘅餽赠，等小弟有个美味而有「脆」嘅下午茶。