影片
更多
2024-08-18
1738 浏览
一讲到「三点三」，普遍香港人都会想起下午茶，不过，今次唔喺讲下午茶，而喺讲晌青衣城嘅一间茶记「三点三冰室」。因为老友最近由葵芳搬咗去青衣，约佢聚一聚食餐饭，茶记就最啱我哋呢啲麻甩佬，所以，是夜就到访咗呢度。餐厅紧接商场通道，所以，设计比较开放型，晌铺外已经可以一眼睇晒成间餐厅环境。装修简约，一室浅木系，加上柔和灯光，感觉蛮舒服。话时话，虽然只喺闲日一个晚上，但都几旺场，坐满之余仲不断一枱走就一枱入。咁茶记嘅设定间间都差唔多，餐牌、餐具、调味料就放晒喺枱边之下嘅柜桶。讲返啲食物，茶记正就正在多元化，选择方面分左多款系列，包括有点都要食系列、秘方咖哩系列、时时但但系列、焗一焗系列、炒粉饭面系列、少吃多滋味系列及饮品。另外仲有一个底面两页嘅今晚食乜𩠌系列，但睇落全部都喺啲扒餐，定价唔贵，都只喺百零蚊松啲。同时下点餐模式一样，揾侍应落单又得，自行扫二维码慢慢搞亦得，介面清楚显示各个系列，都好易睇。妙齢乳鸽 $62贺一贺老友搬新屋，食番只乳鸽先。果然喺妙龄㖞，因为咬落啲肉质非常之嫩滑细致，而且，炸得外皮甘香脆口唔油腻，就算唔点淮盐都腌得够晒入味，当然点少少就更加咸香啲。二维码落单时可以拣免斩或者
餐厅紧接商场通道，所以，设计比较开放型，晌铺外已经可以一眼睇晒成间餐厅环境。装修简约，一室浅木系，加上柔和灯光，感觉蛮舒服。话时话，虽然只喺闲日一个晚上，但都几旺场，坐满之余仲不断一枱走就一枱入。
咁茶记嘅设定间间都差唔多，餐牌、餐具、调味料就放晒喺枱边之下嘅柜桶。
讲返啲食物，茶记正就正在多元化，选择方面分左多款系列，包括有点都要食系列、秘方咖哩系列、时时但但系列、焗一焗系列、炒粉饭面系列、少吃多滋味系列及饮品。
另外仲有一个底面两页嘅今晚食乜𩠌系列，但睇落全部都喺啲扒餐，定价唔贵，都只喺百零蚊松啲。
同时下点餐模式一样，揾侍应落单又得，自行扫二维码慢慢搞亦得，介面清楚显示各个系列，都好易睇。
妙齢乳鸽 $62贺一贺老友搬新屋，食番只乳鸽先。果然喺妙龄㖞，因为咬落啲肉质非常之嫩滑细致，而且，炸得外皮甘香脆口唔油腻，就算唔点淮盐都腌得够晒入味，当然点少少就更加咸香啲。二维码落单时可以拣免斩或者一开二，加埋一开四就仲好。
妙齢乳鸽
$62
66 浏览
0 赞好
0 留言
见个名咁搞嘢就试试佢，其实，餐牌都有写喺加入虾羔、虾米同虾球，但查实喺以虾膏炒饭，再加咗樱花虾、虾干同虾球，所以，应该喺「哈哈哈哈」4个哈先啱。个饭炒得几够干身，饭粒分明，又有虾膏嘅咸香，加埋啲樱花虾，非常具口感，虾干同虾球亦都好食。
哈哈哈炒饭
$82
222 浏览
3 赞好
0 留言
焗牛舌芝士意粉 $78老友原来都钟意食牛脷，所以，大家都好心水呢一款焗牛脷意粉（可以转饭）。揭起啲牛脷，有4大件之外，仲喺非常厚身，咬落去软腍得嚟又有份爽口感，并有牛脷独特𠮶阵膻味；而啲意粉煮得啱啱好，唔会焗完之后会过腍。另外出面仲有啲卡夫嘅巴马臣芝士可以拎嚟添加落去，咁就更加具芝士香气。
狂牛 +$19我点个炒饭时有得半价加配饮品，但唔知点解点个意粉嘅时候就无咗呢个优惠选项，都唔理，总之落到单就算，再者，餐牌又真喺无印住有加配优惠。老友胆粗粗试咗杯「狂牛」，喺七喜沟利宾纳，再加入杂果同士多啤梨雪糕，卖相非常之梦幻，佢话饮落味道几唔错㖞，甜甜哋好清爽。
红豆奶茶 $38小弟就份外喜欢奶茶，拣呢杯奶茶红豆冰，呢个就最啱我喇，可以饮到奶茶，又可以食到红豆冰。虽然红豆嘅份量有少少偏少，但口感又绵又清甜，奶茶嘅茶底几芳香醇厚，入口蛮顺滑，唔错唔错。
原本谂住叫个黑白多士或者红豆西多作为甜品试试，不过，食完只乳鸽同埋两个主食，老友话好饱吓，就只好留返下次有机会再试。
张贴
