千房 (已結業)

平时钟意食大阪烧嘅我，今日第一次「自家制」！旺角TOP商场开左冇几耐，店铺行新潮兼型格路线，比起隔离旺中高档少少，但又够晒时尚，不失年轻人嘅风格。千房位于4楼较入嘅位置，本来以为会静啲少人啲，去到发现坐满晒人，平日黎讲真系好旺，似乎有唔少都系捧场客！大阪烧款式唔算太多，不过款款都想食，有选择困难症嘅我心大心细。拣左其中一款嘅系芝味豚平烧，上桌发现原来已经预先煮好，只要食之前加热就可以了！蛋包边嘅处理可以使加热后，待到金黄色放入口，会食到香脆嘅口感。芝士份量唔少，半溶状态令烧物更有层次，食落会有拉丝效果！豚肉加上日式烧汁更加系配搭一流！日式炒面都好好味，用左日式酱汁调味，甜甜地，同样预先煮好，轻轻放上pan热一热就食得了。薄薄一层蛋包住炒面，自行加上调味同配料，包括沙律酱、鱿鱼丝，预热即溶，香味十足。唔想咁饱肚，但又想食多几款野食，于是叫左炒杂菌。菇类唔少，用蒜头爆香味道，好入味。啲菇酱新鲜，爽爽滑滑嘅口感令人食到唔停口！牛舌系另一款好食夹唔饱嘅小食！好爽口！厚切得黎一啲都唔鞋唔韧，仲有好香浓嘅牛味添！柠檬同盐就系牛舌最佳嘅调味料，轻轻烤一烤就食得。7-8成熟既唔会有血水，又能够锁住肉汁