影片
更多
2019-12-13
2085 浏览
老友知小弟喺榴梿粉丝，又喺甜点迷，介绍我呢间新开嘅甜品店「芝麻开门」，再者，位处太子，对我嚟讲非常方便。加上呢区近地铁嘅周边，食肆多到日日嚟试，食几个月都未试得晒呀，故此，最好晌附近食完饭，过嚟食份甜点先走。晌门口已贴咗一大张「餐牌」，一睇就知主打喺卖港式甜品，新派、传统都有，而走入店内，小店枱局，装修简洁明亮，以青绿色为主调，清爽怡人。本以为呢类港式甜品会以年轻人居多，但帮衬嘅反而有唔少中年人仕，听佢哋只店主嘅对话，更有不少喺附近嘅街坊嚟。枱上放有大大张餐牌，底面两大页就印晒所有甜品款式，都喺惯常见到嘅类别，如芝麻开门精选、梦幻芒果系列、经典回味炖品、黑白凉粉系列、正气紫米露系列、彩虹仙子系列、滑嘟嘟西米露系列、诱惑D24榴梿系列、拿破仑系列、美味班戟系列、雪糕绵绵冰系列、杨枝甘露系列、百变窝夫系列、养颜椰皇系列、新鲜果汁系列及爽爆奇冰系列，数数埋埋过百款呀！讲明喺甜品店，通常繁忙嘅时间都喺得某一段，为增加吓多啲收入，特设咗下午茶时段，兼营吓啲面餐、点心小食……等等。榴梿炖椰皇 $56因为一心一意嚟试其榴梿甜品，所以，目标范围就收窄好多，一喺就榴梿系列嘅其中一款，一喺就榴梿炖椰皇，考
晌门口已贴咗一大张「餐牌」，一睇就知主打喺卖港式甜品，新派、传统都有，而走入店内，小店枱局，装修简洁明亮，以青绿色为主调，清爽怡人。本以为呢类港式甜品会以年轻人居多，但帮衬嘅反而有唔少中年人仕，听佢哋只店主嘅对话，更有不少喺附近嘅街坊嚟。
枱上放有大大张餐牌，底面两大页就印晒所有甜品款式，都喺惯常见到嘅类别，如芝麻开门精选、梦幻芒果系列、经典回味炖品、黑白凉粉系列、正气紫米露系列、彩虹仙子系列、滑嘟嘟西米露系列、诱惑D24榴梿系列、拿破仑系列、美味班戟系列、雪糕绵绵冰系列、杨枝甘露系列、百变窝夫系列、养颜椰皇系列、新鲜果汁系列及爽爆奇冰系列，数数埋埋过百款呀！
讲明喺甜品店，通常繁忙嘅时间都喺得某一段，为增加吓多啲收入，特设咗下午茶时段，兼营吓啲面餐、点心小食……等等。
榴梿炖椰皇 $56因为一心一意嚟试其榴梿甜品，所以，目标范围就收窄好多，一喺就榴梿系列嘅其中一款，一喺就榴梿炖椰皇，考虑良久，都喺拣后者。虽然佢标示冻食，但其实喺可以拣暖食或热食，非常贴心，外面天气咁冻，小弟就自不然拣热食。
以一个小托盘奉上，较特别嘅喺将炖椰皇、D24榴梿肉及椰奶分开装，好处喺如果朋友想试啲炖椰皇，但又怕榴梿，咁分开上就可以试得到。
榴梿炖椰皇
$56
7 浏览
0 赞好
0 留言
先试一口椰皇内热辣辣嘅炖蛋白，无过甜，非常嫩滑，一入口就滑落喉咙。连带点椰奶，味道就更香。
至于啲D24榴梿果肉，坚掂呀，榴梿味既浓且香，口感软绵，先配啲炖蛋白试试，果然好正。
食到近尾，当然唔可以错过啲椰皇肉啦，因为炖到软透晒，轻易就刮到出嚟，大片大片咁放入口，清甜软熟，食得够爽。
好食唔喺得个讲字，睇得刮到连丁啲椰皇肉都无剩架！
绿野仙踪 $50简单嚟讲，就喺窝夫配绿茶雪糕，不过，店家嘅雪糕口味都有好多选择，厨房前嘅小黑板就罗列晒出嚟。初时，都有谂过转其他口味，不过，觉得转咗其他口味就唔喺绿野仙踪啦，哈哈！
虽然，个窝夫底只喺原味，无加入绿茶元素，但亦淋上唔少绿茶糖浆，以及好多红豆馅，仲有一大球绿茶雪糕。卖相无话哗哗声，不过，份量十足，堆得大大碟。
绿野仙踪
$50
2 浏览
0 赞好
0 留言
啲窝夫形状几得意，喺不规则形，微暖，入口好绵密，唔会一阵风咁。伴上软滑清幽嘅绿茶雪糕、软糯起沙清甜不腻嘅红豆蓉，真喺完美结合，叫人再三回味。
天气越嚟越冻，加上干燥得要命，但食过暖入心肺、又咁滋润嘅甜点，实在喺一份小确幸。不过，有时外面又确喺冻得交关，无问题，我见店家有提供网上外卖平台架，咁就算晌屋企，都可以叹到「暖笠笠」嘅滋润甜品啦。
虽然小店规模，称唔上有啲咩服务，但招呼超好，老板娘好鬼好礼貌，所以，眼见佢又整甜品，又要招呼客人，所以，要额外嘅餐具、纸巾时，都费事烦到佢，自己埋水吧位搞掂。
张贴
