影片
更多
2020-10-24
2040 浏览
自从疫症以来，对火锅类嘅餐厅比较有戒心，一来本身已无约一大棚人嘅聚餐，顶多都喺跟一、两个相熟要好嘅朋友食吓饭，二来初期有个案显示火锅嘅环境有增加感染嘅风险。但随着疫情缓和，加上好多餐厅都做咗好多防疫功夫，感觉都比较安心多啲。所以，今次老友叫到话试试海鲜蒸锅，就投其信心一票，加上天气有点转寒，正啱食蒸锅嘅日子，就嚟到「渔港荟」品尝一下佢哋嘅海鲜蒸锅。餐厅地方唔算大，但装修得都颇雅致，灯光柔和，而且，高椅背嘅梳化櫈，相对更舒适。我哋就拣坐晌一边嘅卡位，非常阔落好坐。身后就见到有一座水缸，养住好多生猛龙虾同大蟹，喺「新鲜」嘅保证。顺带一提，店员嘅服务都好到位，除有礼之外，更不断帮我哋蒸海鲜、换碗碟。今晚嚟到我哋嘅目标喺食蒸海鲜，共有两款套餐供选择：$398 / $328，较特色喺除蒸海鲜之外，套餐内仲包乳鸽同炒蟹，唔使全程都只得蒸海鲜咁单一。好耐无食海鲜蒸锅，今次豪少少拣咗前者：金装海鲜蒸锅。此外，店家亦提供烧味、小炒、海鲜……等等，而且，款式颇多，所以，就算唔喺嚟食海鲜蒸锅，炒𩠌食饭都无问题，睇落定价亦相宜实惠。落好单之后，店员捧上酱料架，有葱花、金蒜、银蒜、辣椒酱、XO酱、苋茜及豉油。因
餐厅地方唔算大，但装修得都颇雅致，灯光柔和，而且，高椅背嘅梳化櫈，相对更舒适。我哋就拣坐晌一边嘅卡位，非常阔落好坐。
身后就见到有一座水缸，养住好多生猛龙虾同大蟹，喺「新鲜」嘅保证。顺带一提，店员嘅服务都好到位，除有礼之外，更不断帮我哋蒸海鲜、换碗碟。
今晚嚟到我哋嘅目标喺食蒸海鲜，共有两款套餐供选择：$398 / $328，较特色喺除蒸海鲜之外，套餐内仲包乳鸽同炒蟹，唔使全程都只得蒸海鲜咁单一。好耐无食海鲜蒸锅，今次豪少少拣咗前者：金装海鲜蒸锅。
此外，店家亦提供烧味、小炒、海鲜……等等，而且，款式颇多，所以，就算唔喺嚟食海鲜蒸锅，炒𩠌食饭都无问题，睇落定价亦相宜实惠。
落好单之后，店员捧上酱料架，有葱花、金蒜、银蒜、辣椒酱、XO酱、苋茜及豉油。因为今之嚟喺食蒸海鲜，品尝海鲜原味为主，所以，个人觉得简简单单嘅葱花、XO酱加豉汁嚟吊吊鲜味已好够，太「混酱」反而本末倒置。
头两道菜喺乳鸽同炒辣蟹，店员问我哋有无兴趣试试佢哋新搞作嘅特饮，几夹以上两味𩠌，兼且当喺俾吓意见，再者，见都唔喺好贵，结果就试了两杯加入益力多嘅「多罗罗」。
香芒多罗罗 $20友人要芒果口味，佢话卖相又几OK㖞，加咗块柠檬片做装饰，面头又放唔少菠萝粒。佢话芒果味再浓啲就更好，而且，冰粒稍多，但整体都唔错，入口冰凉清爽。
芭乐多罗罗 $20我就要芭乐，即喺蕃石榴，卖相、色泽跟杯芒果多罗罗差唔多，入口嘅蕃石榴味几突出，清新酸香。小小贴士，饮前记得搅匀，因为啲糖浆可应沉底，其次，落单时紧记要求少冰。
无味精靓炖汤先嚟一客炖汤，入口就知喺心机炖汤，汤味浓而不浊，非常清甜，尤其依然入秋季节，感觉就更滋润。捞一捞，用料十足，鸡件、圆肉、虫草花，实在无欺场。
无味精靓炖汤
4 浏览
0 赞好
0 留言
脆皮妙龄乳鸽每位客人有半只，咬落热辣辣，新鲜即炸，果然外皮好脆口，肉质肥美细嫩而富肉汁，沾淮盐就惹味啲，沾喼汁就清爽啲。
招牌黄金川辣蟹店员话喺师傅嘅信心之作，的确，大大只肉蟹可以讲喺色香味俱全，除咗用咸蛋黄，仲加入四川式嘅花椒，所以，味道咸香，带少少麻，却有点辣劲，甚具层次，最好嘢喺仍然食到蟹肉嘅鲜味。值得一提喺师傅稍稍将蟹钳扑过，一咬即开，方便咗食用。
招牌黄金川辣蟹
8 浏览
0 赞好
0 留言
海鲜拼盘
36 浏览
0 赞好
0 留言
生猛波士顿龙虾唔喺讲笑，只龙虾新鲜到仲有少少郁，而每位客人有半只份量，睇见啲肉晶莹剔透，又多虾膏，真喺好期待。蒸熟之后，一拆就成件肉起出嚟，再沾少少XO酱，虾肉鲜味到不得了，轻易拆埋只蟹钳，又喺啖啖肉，质感弹牙，新鲜嘅表现。
生猛波士顿龙虾
16 浏览
0 赞好
0 留言
生猛波士顿龙虾
7 浏览
0 赞好
0 留言
鲜甜海生虾餐牌就写住两只，但实际就俾咗3只，揾支竹签笃住就好睇啲。生虾当然唔及龙虾咁大啖大啖肉啦，但夹口弹牙程度绝不失礼，沾点豉油，其鲜味更出。
苏格兰蛏子皇再嚟梗喺叹蛏子皇啦，只蛏子皇有成7、8吋长，外观好有光泽，店员蒸煮时间拿揑得好好，只蛏子既有海水嘅咸鲜味，却又有蛏子肉本身嘅鲜甜味，口感唔止爽弹，仲有种「脆」嘅感觉。
苏格兰蛏子皇
9 浏览
0 赞好
0 留言
就算元贝有几大只都好，蒸过后都会缩一缩，所以，好多人就钟意食元贝刺身，但总有啲人唔食得生嘢。蒜蓉粉丝蒸当然喺惹味啦，但清蒸，沾点XO酱，亦都一流，肉厚肥美，够鲜甜嘛。
北海道大元贝
11 浏览
0 赞好
0 留言
游水海斑件店员话今日喺法国多宝鱼，其实我都唔太认识，不过，确实太细件，而且，份量少，虽然，蒸好嘅斑件鲜甜味十足，啲肉质亦好嫩滑，但份量不似预期。温馨提示，呢只鱼鱼骨较多，小心食。
鲜甜大花甲啲蚬的确好大只，食蚬就最怕就喺食到有沙，幸好店家呢方面处理得好，食咁多只都无问题，而且，蚬肉清甜带少少海水咸鲜味。
鲜甜大花甲
4 浏览
0 赞好
0 留言
食完海鲜，仲有一份肥牛，听到安格斯个名都知唔会差得去边，虽然啲油花唔似啲日本和牛咁多，分布咁平均，但入口肉味浓，亦有油脂嘅香味。
粗粮拼盘食咗咁多肉，都喺时候食番啲蔬菜平衡吓，送上一笼已蒸好嘅粗粮拼盘。虽然话喺粗粮，包括紫薯、南瓜、香芋、粟米，但一啲都唔粗，尤其啲紫薯同南瓜，。又香又粉甜。
招牌海胆炒饭怕你唔饱，近尾上个炒饭你填肚，其实去到呢个位，都可以讲九乘半饱，女生嘅话我相信饱到十足。个饭炒得几好㖞，唔好睇佢个样平平无奇，一来够干身，饭粒分明，二来少油，三来就颇有海胆𠮶种香气。
招牌海胆炒饭
14 浏览
0 赞好
0 留言
要一餐有完美结束，又点可以少得一客甜品，套餐内有两款选择，当然各要其一啦。益老友试碗鲍鱼绿豆沙，佢话件鲍鱼好坚㖞，又大只，又有鲍味，无将货就价嘅感觉，鲍鱼搭绿豆沙，真喺长知识。
鲍鱼绿豆沙
8 浏览
0 赞好
0 留言
虽然我碗唔喺鲍鱼，但桃胶都喺好嘢嚟，被喻为平民燕窝，喺好有养生保健嘅食材。其实桃胶本身无乜味，味道就靠晒碗绿豆沙，味道不俗，煲到起沙，又无过甜，真喺为今餐完美作结。
桃胶绿豆沙
3 浏览
0 赞好
0 留言
并且，推介埋佢哋嘅午市套餐，话好抵食，但我话我唔晌铜锣湾返工㖞，佢话无问题，啲午市套餐日日都用得，着我记得用埋张乳鸽券。的确，佢哋有好多粉面饭仲做到半价添，尤其啲笼仔饭，晌茶记都食唔到啦，加$10仲多碗炖汤，真喺惊喜价到爆。
虽然依家疫境咁困难，但睇得出店家都好有心做，加上新张关系，推出好多优惠，就连今晚我哋所食嘅蒸锅套餐，优惠价之下再打个八折俾我哋，兼免加一，真喺卖大包，真心希望餐厅挨过呢个寒冬，之后万事都顺顺利利啦。
张贴
