新興美食

营业中

休息中

公司有包伙食嘅传统（三𩠌一汤，白饭任装），所以，放饭时间都喺晌公司食，就算疫情下，都照提供服务，只喺转为两𩠌饭盒，同事各自点、各自埋位食。最近，供应商进行大装修，暂停供应几日，其中一日就嗌咗「新兴美食」，快闪写番一篇短评。因为嗌外卖，环境、服务就唔讲，只喺贴番出佢哋张外卖单俾大家参考，每日精选午餐卖$45-$49，中环啲外卖饭盒价，喺咁上下，但例汤、餐饮另计，不过，如果外卖自取就送汽水。香茅猪扒饭 $45一盒有两件猪扒，又大又厚身，而且，炸得金香，又俾得多葱油，睇到都觉得正呀喂。猪扒入口松化，又腌得入味，渗出阵阵香茅味，饭粒软绵，捞埋啲葱油，净食饭都OK。一啖葱油香茅猪，一口可乐，爽呀！讲到明喺快闪食评，喺写得简单啲架喇，都喺当个记录。不过，今次「新兴」呢个香茅猪扒饭喺唔错嘅。