英王麵包店

营业中

休息中

因家住美孚，所以，都不时经过呢一家港铁内嘅「A-1 Bakery」，虽然，小弟就唔喺咁经常帮衬，但食过佢哋啲欧陆包及蛋糕，都有一手，质素唔错。今次又路经，睇见铺前摆放一啲烘焙产品，口痕痕就卖一个返去当下午茶。虽然大大张宣传照，有3款烘焙产品，包括最新出嘅冲绳红芋批，以及青森苹果批及焦糖芝士蛋糕，不过，最想试，又知老婆会好啱食嘅冲绳红芋批，喺无货，问过店员，亦话时有时无，返货唔稳定，就算有都喺嚟好少量！咁就唯有试试青森苹果批。青森苹果批 $58拎上手时，咪睇个苹果批好似细细个咁，其实非常坠手，好有份量，而且，外皮焗得非常金黄靓仔，切开出嚟睇睇，都睇得出有好几层，面头嘅酥皮都算脆口，而中间嘅苹果蓉清甜而带有玉桂香味，内里就混入好多微微酸香嘅苹果肉，味道丰厚；而再下一层睇官网就话喺杏仁馅，不过，可能玉桂同苹果嘅香味颇突出，所以，个人就唔太觉得有咩杏仁，最底下就仲有一层海锦蛋糕加酥皮底，故此，口感实在，又富层次。我哋试完室温下食，跟住又试翻焗后食，都喺焗番热香啲、好食啲！一件青森苹果批、一杯手冲咖啡，喺依家成日要留晌屋企嘅日子下，都喺一种小确幸！