影片
更多
2016-10-20
394 浏览
间唔中都要对自己「蚝」下，奖励自己平时辛勤工作~ 九龙城地胆朋友同我讲佢屋企附近开左间专食蚝既餐厅，世界各地既蚝都有得食，问我放工一唔一齐食，唔好成日黎揾亲佢都食泰国菜，佢怕怕，食下泰国菜以外既野好㖞😂未点菜已经奉上前菜比我地食，前菜望落好普通，得啲菜加碟啡色酱，食落先知原来唔普通。沙葛，萝卜好爽脆，重点系个酱，原来系用蚝提炼精华而成，阵阵蚝香，又唔似蚝油咁咸，点蔬菜食先可以真正食出蚝精华呢。我同朋友都各自叫左一碗蚝汤，但系我地都拥护自己碗汤最好饮，朋友叫日式蚝汤，觉得个汤好似清泉般清甜，配豆腐最好不过，清汤容易消滞，海带丝亦能消消热毒。就咁望，西式蚝汤有啲似龙虾汤~ 我钟意西式蚝汤因为佢够哂浓郁，将所有蚝搅拌成汤，加入忌廉后后更加香滑，饮完之后依然齿颊留香。汤中仲有2只肥美大蚝，简直系蚝上加蚝，经蚝汤浸后更香。钟意食炸野既我点会放过食吉列蚝呢样野呢~ 我冇谂度啲吉列蚝会咁好食，一咬之下鲜甜蚝汁不断涌出，同平时食开既好大分别，可能因为全部蚝都系新鲜，其他铺头用既都系急冻蚝，所以先咁爆汁😍仲有蚝粉浆好薄，呢啲先系吉列蚝黎~ 就算食乌冬，都要有蚝。啲蚝胀卜卜，成个乒乓波咁大粒😋乌冬幼细，爽
未点菜已经奉上前菜比我地食，前菜望落好普通，得啲菜加碟啡色酱，食落先知原来唔普通。沙葛，萝卜好爽脆，重点系个酱，原来系用蚝提炼精华而成，阵阵蚝香，又唔似蚝油咁咸，点蔬菜食先可以真正食出蚝精华呢。
我同朋友都各自叫左一碗蚝汤，但系我地都拥护自己碗汤最好饮，朋友叫日式蚝汤，觉得个汤好似清泉般清甜，配豆腐最好不过，清汤容易消滞，海带丝亦能消消热毒。
就咁望，西式蚝汤有啲似龙虾汤~ 我钟意西式蚝汤因为佢够哂浓郁，将所有蚝搅拌成汤，加入忌廉后后更加香滑，饮完之后依然齿颊留香。汤中仲有2只肥美大蚝，简直系蚝上加蚝，经蚝汤浸后更香。
钟意食炸野既我点会放过食吉列蚝呢样野呢~ 我冇谂度啲吉列蚝会咁好食，一咬之下鲜甜蚝汁不断涌出，同平时食开既好大分别，可能因为全部蚝都系新鲜，其他铺头用既都系急冻蚝，所以先咁爆汁😍仲有蚝粉浆好薄，呢啲先系吉列蚝黎~
就算食乌冬，都要有蚝。啲蚝胀卜卜，成个乒乓波咁大粒😋乌冬幼细，爽口弹牙，呢度系汤底方面选择较清淡既汤，可以品尝出蚝既鲜味，相当有心思。
小町蚝2L 相当大只，有成个手掌✋咁大，饱满紧实，一口气食时感觉好饱，海水味系嚼食后慢慢咁渗出黎。
岩蚝系咁多款中最浓烈海水味，咀嚼后更觉得海水浪花系口中拍打，别有一番自然风味。
我最最最钟意食呢只占拉度生蚝，冇腥味不在话下，入口时非常清爽，入口顺滑，鲜甜度爆灯，完全唔需要落任何酱料同柠檬汁直接细味👍
讲起烧鸡泡鱼干，真系冇咩边度铺头可以食到，估唔到#蚝门宴 居然有，一定要食啦，咁先不枉此行😏鸡泡鱼干比鱿鱼干表面香脆，食落口有啲似猪肉干具丰富肉汁，送酒食一流。
烧大元贝用左最简单既方法烹调，少少蒜蓉，少少葱花调味，保留元贝原汁原味味道，而且仲半个掌心咁大，肉厚鲜美。
除左海鲜之外，黑毛猪串估唔到都好有水准，吹来刚烧好猪肉香气，肉质软嫩，入口即溶，可谓呢度另类之选。
英雄配美人，白酒当然配生蚝啦😆
张贴
