影片
更多
2018-03-31
88 浏览
爸妈去咗台湾旅行，我地几姐弟当然要自行觅食。虽然我地都好钟意日本野，但因为呢排真系食得太多啦; 所以我地决定食番啲好耐都无试过嘅野 -- 「蚝门盛宴」我地上网睇到唔少网民推介一间名叫<<Season Plus>>嘅餐厅。因为佢嘅生蚝非常驰名，唔少游客都唔介意长途跋涉，攀上几段楼梯，黎到呢个世外丛林......由大门行入餐厅，我地见到唔少青翠树木。月色，绿林，我地尚算体会何谓「岁月静好 现世安稳」。为咗欣赏静谧夜色，我同弟妹都一致决定坐系outdoor 嘅一张西式餐枱度。抬头一望，簷篷挂满大小不一嘅星星，真系闪爆全场。入座啦！ 枱櫈同一系列摆设都好有欧陆风味啊！打开餐牌，我地又经历一番「内心格斗」。好彩，我地一早就锁定要劲食生蚝!事不宜迟，我地一口气order左3款生蚝-- 分别系: 南非生蚝No.1，法国Gillardeau No.0，同埋Irish Rock No. 00 各三只。南非个种生蚝每只只系HK$29;另外两款就HK$39一只，真系好抵食啊！无知嘅我一开始以为"No.0"或者 "No.1"，只系餐牌上一个简单编号。点知，一问之下，我先知道呢
我地上网睇到唔少网民推介一间名叫<<Season Plus>>嘅餐厅。因为佢嘅生蚝非常驰名，唔少游客都唔介意长途跋涉，攀上几段楼梯，黎到呢个世外丛林......
由大门行入餐厅，我地见到唔少青翠树木。月色，绿林，我地尚算体会何谓「岁月静好 现世安稳」。
为咗欣赏静谧夜色，我同弟妹都一致决定坐系outdoor 嘅一张西式餐枱度。
抬头一望，簷篷挂满大小不一嘅星星，真系闪爆全场。
入座啦！ 枱櫈同一系列摆设都好有欧陆风味啊！
打开餐牌，我地又经历一番「内心格斗」。好彩，我地一早就锁定要劲食生蚝!
事不宜迟，我地一口气order左3款生蚝-- 分别系: 南非生蚝No.1，法国Gillardeau No.0
，同埋Irish Rock No. 00 各三只。
南非个种生蚝每只只系HK$29;另外两款就HK$39一只，真系好抵食啊！
无知嘅我一开始以为"No.0"或者 "No.1"，只系餐牌上一个简单编号。点知，一问之下，我先知道呢个号码，系引证左每款生蚝嘅年龄。
法国Gillardeau No.0
$39
7 浏览
0 赞好
0 留言
法国Gillardeau No.0 $39/只
3款生蚝当中，我个人最钟意源自法国嘅Gillardeau No.0。
呢款生蚝相当肥美，唔单止带有浓郁嘅海水咸味，质厚嘅蚝肉更加富有弹性，食落口别有一番滋味。
妹妹话，佢甚至食到一股淡淡嘅鲜果味添。
味道如此清新，难怪佢一直堪称为「生蚝界嘅劳斯●莱斯」啦！
食完3款生蚝之后，我地又忍唔住叫多set <<一人生蚝套餐>>。
5只中型size生蚝，加埋杯黎自阿根廷嘅香醇白酒，成个set 都只系$99，真系物超所值。
意大利肉酱千层面
$128
5 浏览
0 赞好
0 留言
意大利肉酱千层面 HK$128
食咗咁多生蚝，点都要点番个正餐食下。
弟妹都好钟意千层面，所以我地就叫左个意大利肉酱千层面。结果当然无令我地失望啦！
香浓肉酱配上浓郁芝士，令成个面条增添唔少口感。虽然我个人唔太钟意乳酪制品，但对于呢款千层面，都系忍唔住畀个LIKE呀！
柚子蜜
$28
6 浏览
0 赞好
0 留言
热柚子蜜 HK$28
食咗咁多好野，我就决定叫番杯热饮暖胃。
热柚子蜜酸酸甜甜，止渴生津，真系好适合作为春夏交替嘅养生之品呀!
捧在手里，暖在心里！
如果日后有朋友想食价廉物美嘅生蚝宴，我一定会推荐呢间餐厅姐~😍
张贴
