陳財記

营业中

休息中

𠮶晚我地想去西环码头吹海风，途经上环皇后街熟食市场，男朋友仔说不如去咗医肚先。当时七点左右，都已经有啲肚饿了，男朋友仔嘅提议真系我嘅及时雨呀！上到去唔算太多枱食客，有些店铺冇开档，但系又想食中式嘢，咁就得陈财记可以帮衬。打开餐牌睇下先，价钱定位都几高下，感觉比一般大牌档贵。咁我地就点咗方鱼肉碎蚝仔粥（大锅）、金银蛋浸时菜、同埋脆皮百味豆腐啦！过咗五分钟，一锅热辣辣嘅蚝仔粥出现啦！我哗咗一声，因为见到粥入面嘅蚝仔比起出面食𠮶啲大只好多呀！我几乎未食过咁大粒蚝仔嘅蚝仔粥，蚝仔嘅份量仲好多添。除咗巨蚝之外，里面仲有肉碎、虾米同方鱼，仲有些冬菜同葱花，真材实料！如果收这个价钱有咁嘅质素，我就觉得很抵食啦！另外，脆皮豆腐真系皮脆内嫰，正！而金银蛋浸时菜嘅份量都几多㖞！总括来说，CP值比起深水埗某出名大牌档要高许多！希望可以keep住水准，有机会经过再嚟食啦！