影片
更多
2019-08-01
976 浏览
呢排好想食生蚝，但系出去食单点又好贵，所以就上网睇吓有冇自助餐有得任食生蚝，结果俾我揾到呢间超级抵食嘅buffet！虽然要预缴每位$100订金，不过星期一至四晚市只系$378一位咋(已包加一)，有得「蚝」食Buffet，真系非常抵食🤤我哋首先试食两种放系出面任食嘅生蚝，分别系美国同新西兰，味道一般，唔太新鲜，某几只食落仲有轻微嘅苦味😣放喺生蚝旁边有广岛生蚝柚子杯，由于太受欢迎嘅关系，我哋见都冇见过，非常可惜，希望可以refill得快啲！(利申，我地7点到)正所谓先苦后甜，先食完一轮任食嘅生蚝之后，梗系要试吓呢两款每位限定各一只嘅法国Special Jade生蚝(左边𠮶只，配青柠)同日本室津生蚝(右边𠮶只)个人比较钟意日本室津生蚝，非常creamy，两款都非常新鲜，食完之后翻唔到转头呀🙈刺身有四款，甜虾、带子、三文鱼、八爪鱼，四款都还可以，正正常常甜虾冇剥壳，食起上嚟有啲唔方便，恕我孤陋寡闻，我食过咁多间日本餐厅，都未见过甜虾系唔剥壳😂熟食方面，羊架唔会煎得太熟，都唔会太鞋身，不过冇薄荷酱就争啲鹅肝多士都推荐！鹅肝入口即溶，好似食咗空气咁，适合啲钟意食油腻野嘅人，至于块多士用咗麦包去做，
虽然要预缴每位$100订金，不过星期一至四晚市只系$378一位咋(已包加一)，有得「蚝」食Buffet，真系非常抵食🤤
我哋首先试食两种放系出面任食嘅生蚝，分别系美国同新西兰，味道一般，唔太新鲜，某几只食落仲有轻微嘅苦味😣
放喺生蚝旁边有广岛生蚝柚子杯，由于太受欢迎嘅关系，我哋见都冇见过，非常可惜，希望可以refill得快啲！(利申，我地7点到)
正所谓先苦后甜，先食完一轮任食嘅生蚝之后，梗系要试吓呢两款每位限定各一只嘅法国Special Jade生蚝(左边𠮶只，配青柠)同日本室津生蚝(右边𠮶只)
个人比较钟意日本室津生蚝，非常creamy，两款都非常新鲜，食完之后翻唔到转头呀🙈
刺身有四款，甜虾、带子、三文鱼、八爪鱼，四款都还可以，正正常常
甜虾冇剥壳，食起上嚟有啲唔方便，恕我孤陋寡闻，我食过咁多间日本餐厅，都未见过甜虾系唔剥壳😂
熟食方面，羊架唔会煎得太熟，都唔会太鞋身，不过冇薄荷酱就争啲
鹅肝多士都推荐！鹅肝入口即溶，好似食咗空气咁，适合啲钟意食油腻野嘅人，至于块多士用咗麦包去做，食落比较硬身，都几特别
烧美国西冷牛扒
片皮鸭嘅肉质非常厚实，餐厅唔会片到太薄俾你，等你食落去啖啖肉，正呀😋
燕窝蟹肉砂窝粥海鲜味浓郁，而且煲到非常绵滑
甜品方面，选择都好多，呢个法式香橙薄饼配血橙雪葩系每晚8时起供应，当你见到长长人龙，走去排队实无走宝！份量唔少，食到尾声饱饱地，两个人share一份都够晒☺️
其他任食嘅甜品仲有：MÕVENPICK雪糕、豆腐花、窝夫、港式鸡蛋仔、朱古力喷泉等等
个人推荐黑松露芝士蛋糕(张相无)，有非常浓郁嘅黑松露味，值得一试！
张贴
