影片
更多
2023-04-23
211 浏览
昨晚经过九龙城，见到开咗间小巧嘅新餐厅，食西班牙菜 + 日本串烧，好特别，装修又几warm，餐牌又唔系好贵，所以入去试下，结果都有啲惊喜。💖💖💖餐厅叫The Junction HK，应该因为位置喺Junction Road (联合道)而起嘅。餐厅招牌放得好高，但西班牙教堂瑰丽窗户 + 西班牙出名斗牛嘅牛角，应该好容易认得间餐厅。门口有几张高凳，饮住酒坐喺外面吹水，都几正😄西班牙教堂瑰丽窗户，招牌打卡位😆气氛都唔错😉我哋叫咗西班牙水果酒Sangria，呢间加咗外国人喜欢嘅肉桂味；如果唔钟意肉桂味，可以试下同餐厅预先讲声。朋友唔方便饮酒，叫咗杯洛神花茶，颜色同我哋Sangria好衬。洛神花茶一般都好酸，朋友同餐厅讲唔想咁酸，餐厅又特别帮佢调较，抵赞👍餐厅有48个月嘅手切黑毛猪火腿，正😘！呢间提供嘅系Jamon，即后腿，后腿比前腿贵好多同好食好多，质感醇厚，鲜甜啲，唔会死咸 😍😍😍食西班牙餐紧系要试多啲tapas啦，叫咗几款都好好味😋！炸鸡块配自家制Junction Style酱汁又真系几惹味，炸鸡块啲肉质好鲜嫩，好juicy，如果炸果度少啲啲油仲正😉再嚟一个tapas就系西班牙炸丸配白毛猪
餐厅叫The Junction HK，应该因为位置喺Junction Road (联合道)而起嘅。餐厅招牌放得好高，但西班牙教堂瑰丽窗户 + 西班牙出名斗牛嘅牛角，应该好容易认得间餐厅。
门口有几张高凳，饮住酒坐喺外面吹水，都几正😄
西班牙教堂瑰丽窗户，招牌打卡位😆
气氛都唔错😉
我哋叫咗西班牙水果酒Sangria，呢间加咗外国人喜欢嘅肉桂味；如果唔钟意肉桂味，可以试下同餐厅预先讲声。朋友唔方便饮酒，叫咗杯洛神花茶，颜色同我哋Sangria好衬。洛神花茶一般都好酸，朋友同餐厅讲唔想咁酸，餐厅又特别帮佢调较，抵赞👍
西班牙水果酒Sangria +洛神花茶
$88
11 浏览
2 赞好
0 留言
餐厅有48个月嘅手切黑毛猪火腿，正😘！呢间提供嘅系Jamon，即后腿，后腿比前腿贵好多同好食好多，质感醇厚，鲜甜啲，唔会死咸 😍😍😍
西班牙手切黑毛猪火腿(48个月)
$228
17 浏览
2 赞好
0 留言
食西班牙餐紧系要试多啲tapas啦，叫咗几款都好好味😋！炸鸡块配自家制Junction Style酱汁又真系几惹味，炸鸡块啲肉质好鲜嫩，好juicy，如果炸果度少啲啲油仲正😉
炸鸡块配自家特制酱汁
$88
9 浏览
2 赞好
0 留言
再嚟一个tapas就系西班牙炸丸配白毛猪火腿肉。我想话个炸丸真系好好味😍，里面应该系薯蓉，好轻好软好creamy，加咗少少白毛猪火腿肉碎，炸丸上面再有几片细细嘅白毛猪火腿，即刻矜贵晒😆
西部班牙炸丸配西班牙白毛猪火腿肉
$55
12 浏览
2 赞好
0 留言
因为想食多啲西班牙嘢，所以只点一款日本串烧。由于本人极爱烧牛舌，所以点咗个厚切牛舌。哗，点知好食到不得了😍，充满牛香味，烧得啱啱好，里面非常软滑，真心比好多日本餐厅出色！👍👍👍
厚切牛舌串烧
$38
10 浏览
2 赞好
0 留言
点咗好多肉，所以特别点一客海盬炒西班牙小青椒中和下。哗，啲青椒好大只呀，又系好好味😋😋😋
海盐炒西班牙小青椒
$78
12 浏览
2 赞好
0 留言
终于到期待已久嘅西班牙烧乳猪上场，我哋叫咗个细portion，真系好食到舐舐脷，早知喊份大portion。乳猪皮松脆，乳猪肉松软juicy😍😍😍，仲配埋特别嘅辣椒酱汁，真系食指大动😄😄😄 其实我哋有得食真系好彩，因为餐牌讲明要预订㗎。
(细份)西班牙乳猪配皮奎洛红辣椒酱汁
$338
9 浏览
2 赞好
0 留言
最后一款系西班牙海鲜饭，同平时好大个平底锅好湿嘅海鲜饭兼要好多个人share嘅版本唔同。呢款份量同材料都轻巧些，啱2-4人浅尝，但系味道好好，海鲜新鲜，饭吸饱海鲜味都仲可以较干身，唔会湿立立，我钟意，仲可以食到米心里面较硬嘅口感。😋😋😋
西班牙海鲜饭
$268
6 浏览
2 赞好
0 留言
呢间餐厅细细间，坐20人左右，好适合包场。餐牌食物选择唔多，不过贵精不贵多，应该全部系佢哋嘅撚手菜式。因为唔计串烧，我哋都点咗六、七成餐牌嘅食物，样样都好好味，连日式嘅烧牛舌都顶呱呱😋😋😋，似乎烧炸炒呢啲香口嘢系佢哋强项。佢哋服务好好，窝心体贴👍👍👍。欣赏呢间特色小店，真心值得推介！💖💖💖
张贴
