大勝軒丸一 (金星閣) (已結業)

一个人的世界、一个人的晚餐、一个入的浪漫、一个人的结局，可能会觉得寂寞，相反我会觉得自在。你可能会认为孤单，我就认为系另一种幸福。而拉面店正正就系我呢d麻甩佬既天堂，自己一个唔洗烦，唔洗照顾人感受，自己享受自己既节奏，呢种毫无束缚既感觉我相信总有同路人会明白。今晚就系「大胜轩丸一」借住拉面好好填补一下空虚的缺吧。👇📌大胜轩拉面 - $70👉当然要试就试佢地稳打稳扎咁多年既大胜轩拉面啦，一块烧过半肥瘦叉烧，睇落肥瘦适中，入口唔会太肥腻，反之有种软腍咬口既质感，唔错；而汤底够浓郁，要大赞既系温度够热，入口果种胶质感好细致；配搭呜门卷、葱、笋干，令成件事更加丰富；而面条软硬度适中，整体以呢个价钱黎讲，属性价比高之作！📌日式炸鸡 - $38 (5只)👉嗌多个炸鸡满足埋自己个胃先！最钟意日式炸鸡果种炸到好脆口，但唔会好油腻果种感觉。而呢个食落肉质嫩滑，炸粉亦无过厚，外脆内软，入口松化。最紧要系调味岩岩好，我最怕系过咸，呢个认真唔错。