一鍋豐 (已結業)

一行四人打边炉，当然要选任食2小时嘅餐厅啦，如果唔系，倾得计嚟又食唔切野，食得野嚟又倾唔到计，何必呢? 今次呢间系朋友食过几好，所以约我地去再食。先讲食物种类，佢地有4款级数嘅套餐，原只龙虾刺身餐、象拔蚌餐、鲍鱼餐、特色餐，丰俭由人，可以选嘅打边炉食物都多款，而且新鲜。佢地仲有得每位加28蚊有8款刺身任食，抵啦! 我经过刺身吧都见佢d野几靓，不过我地有两个人唔食生野，所以冇点到。我地叫咗鲍鱼海鲜餐，一睇个海鲜并盘已经流口水啦，有5款海鲜，样样都大大件，好豪爽。汤底系蕃茄蚬汤，鲜甜!菜单中我想推介：美国三角肥牛 - 肉质好，牛味香!海虾 - 新鲜大只! 全部唔黐壳! 羊肉粒 - 一咬即feel到羊味嘅强劲，肉质稔滑。芝士豆腐 - 我知呢个唔系自家制，但我好钟意食，好味呀!饮品系自取嘅，我较为喜欢韩国的蜂蜜梨饮品，都饮咗三罐，而朋友就饮啤酒。客人自助雪糕corner都唔错，有2款口味，我觉得我可以去卖雪糕，睇相就知我整得几靓。如果唔整雪糕，佢地仲有雪条同雪米糍拣。总括一个字…「丰」!