火車頭越南餐室 (朗豪坊)

营业中

休息中

夏日炎炎，加上戴住个口罩焗住，都无咩胃口。午饭时间，见到呢间越南餐厅几多人，午市套餐包小食同饮品，都好多选择，决定试试。心大心细，最后拣咗香茅牛肉汤河（$79），小食就拣咗牛油果素米纸卷，饮品就拣咗冻士多啤梨绿茶（跟餐唔洗加钱）。等咗一阵，米纸卷就黎喇，卖相好靓，食落感觉好清新，红萝卜、粉丝、菜酸酸甜甜，几醒胃，不过牛油果就细旧咗少少...个酱汁似稀稀地既甜酱，加花生碎。跟住到汤河，份量比想像中大，牛肉都好多，而且肥瘦适中，一咬落去有阵淡淡既香茅味，不过质感略嫌「鞋口」，牛味亦欠奉。唔知生牛肉会唔会无咁鞋呢... 河粉就好滑，汤底偏淡，要加少少鱼露提鲜。至于饮品，冻士多啤梨绿茶就好似一般台式饮料，味道偏甜，有几粒迷你士多啤梨粒粒漂浮，望住都觉得热气全消。埋单$79再加一，喺旺角黎讲算合理。