影片
更多
2024-11-25
1209 浏览
有一组旧同事算喺旅行脚，不过，有个别旧同事转职再转职之后，一直夹唔到时间，已好耐无一齐去旅行。所以呢，就相约嚟个小旅行，探索吓九龙东嘅「将军澳」，到海滨长廊、跨湾大桥走走，但第一站先嚟到「NOC」叹下午茶。人气即喺人气，我哋专登晏少少先嚟，都喺有少少人龙。不过，呢间铺大，排队都唔喺好耐。内里装修简约，一室白跟灰为主调，虽然有好阔落嘅通道，看似空间感十足，但枱与枱之间其实好密，紧够一个中等身材人士行过，肥少少都顶顶哋。想要杯清水，需阁下自理，出面有部好高档嘅「水机」，一边喺无汽嘅矿泉水（Still），另一边喺有气嘅矿泉水（Sparkling），平常晌啲高级餐厅呢啲水喺要收费，难得呢度免费随意享用。坐低侍应就会叫你用二维码落单，如果想睇餐牌，晌出面收银处都有得睇。全部都喺散点，无话咩套餐组合、饮品加配嘅优惠。枱上有张温馨提示牌，包括用餐时限同最低消。以周末嚟食个下午茶而言，都OK嘅。不过，收加一服务费呢点就不大苟同，因为除送餐，基本喺无任何服务可言。Smoked Salmon Toast $138两大件酸种多士之上，放满烟三文鱼，并加上紫洋葱、菠菜、刁草做调味，另伴有一小碗沙律菜拼藜麦，但
人气即喺人气，我哋专登晏少少先嚟，都喺有少少人龙。不过，呢间铺大，排队都唔喺好耐。内里装修简约，一室白跟灰为主调，虽然有好阔落嘅通道，看似空间感十足，但枱与枱之间其实好密，紧够一个中等身材人士行过，肥少少都顶顶哋。
想要杯清水，需阁下自理，出面有部好高档嘅「水机」，一边喺无汽嘅矿泉水（Still），另一边喺有气嘅矿泉水（Sparkling），平常晌啲高级餐厅呢啲水喺要收费，难得呢度免费随意享用。
坐低侍应就会叫你用二维码落单，如果想睇餐牌，晌出面收银处都有得睇。全部都喺散点，无话咩套餐组合、饮品加配嘅优惠。
枱上有张温馨提示牌，包括用餐时限同最低消。以周末嚟食个下午茶而言，都OK嘅。不过，收加一服务费呢点就不大苟同，因为除送餐，基本喺无任何服务可言。
Smoked Salmon Toast $138两大件酸种多士之上，放满烟三文鱼，并加上紫洋葱、菠菜、刁草做调味，另伴有一小碗沙律菜拼藜麦，但老实讲，卖百几蚊确喺唔算平。味道又点呢？啲酸种包本身唔烘都比较硬硬哋，咬落质感比较韧净，而啲烟三文几够咸鲜，反而碗沙律就较平淡啲，无咩卖点。
Pan-fried Beef Bowl $148对比上面嘅多士，呢一道杂锦碗单睇卖相已经丰富好多啦，除咗有7分熟嘅烧牛肉之外，仲有水波蛋、牛油果、无花果、南瓜、车厘茄、沙律菜，淋上自家制蜜糖百里香酱汁，仲伴有两片酸种多士，实在丰富，而且卖相吸精。整体嚟讲每样食材都好新鲜，配搭亦唔错，啲烧牛肉亦好有肉香，烧到七分熟都唔会话好韧，喺粒水波蛋熟过笼，无晒流心效果啫。
Latte $42其他旧同事就饮朱古力咖啡、澳白，小弟就拣最心水嘅鲜奶咖啡，几杯嘢嚟到个样近乎一模一样，色泽差唔多，个拉花都喺多重心形。饮落几醇厚，带有果仁香气，冲泡嘅手势亦唔失礼，够均匀，呢度啲咖啡亦喺佢哋嘅亮点。
整体而言，气氛蛮舒服嘅，喺个别位有少少压迫感，而服务方面老实讲，其实真喺无乜服务，跟店员零交流，佢哋都只喺忙于送餐、执嘢，跟住就喺收钱（出枱面㖞），又有时限；食物水准算喺中上，但未至于话好惊喜，个人嚟讲喺一试无妨之选。
张贴
