影片
更多
2019-01-13
361 浏览
今日嚟到尖沙咀美丽华商场揾食，比一间装修非常之有心思嘅台湾餐厅吸引住，就拉埋屋企人一齐入去试啦！呢度嘅装修非常用心，首先佢系开放式嘅设计，用咗台湾课室做主题，充满着小学中学嘅情怀，有粉笔黑板啦、色彩斑斓嘅书本同漫画书、用木造嘅枱椅，令我哋忆起左唔少上学青葱嘅岁月。餐厅系用自助模式，我哋去到收银位置落单，当部机响起，你就可以去拎热辣辣香喷喷嘅餐，食完之后，都要麻烦大家自己放返回收餐具处～我哋两个人，叫咗一个主食，「蕃茄牛肉面$50」，蕃茄味浓，牛肉都算几软腍，面质都系比较软身。之后我哋叫咗个「吞拿鱼蛋饼$40」，个蛋饼其实质感比较似薄饼，唔算好重蛋味，但系入边嘅材料就好多，有好多吞拿鱼同沙律酱，口感都几丰富。之后我哋叫咗两个小面包，分别叫做「玛莉生命菇$22」同埋「小紫嘟嘟包$18」，一个系红豆茉茶包，另外一个系芋头麻薯包，两个包都非常之有口感，咬落去好松软～ 之后我哋叫咗杯「台湾艾尔芒果酸啤$75」，酸酸甜甜咁又开胃，几得意㖞～如果大家都有兴趣怀念一下返学嘅情怀，都可以黎试吓啊，好有「那些年」嘅感觉！
呢度嘅装修非常用心，首先佢系开放式嘅设计，用咗台湾课室做主题，充满着小学中学嘅情怀，有粉笔黑板啦、色彩斑斓嘅书本同漫画书、用木造嘅枱椅，令我哋忆起左唔少上学青葱嘅岁月。
餐厅系用自助模式，我哋去到收银位置落单，当部机响起，你就可以去拎热辣辣香喷喷嘅餐，食完之后，都要麻烦大家自己放返回收餐具处～
我哋两个人，叫咗一个主食，「蕃茄牛肉面$50」，蕃茄味浓，牛肉都算几软腍，面质都系比较软身。
之后我哋叫咗个「吞拿鱼蛋饼$40」，个蛋饼其实质感比较似薄饼，唔算好重蛋味，但系入边嘅材料就好多，有好多吞拿鱼同沙律酱，口感都几丰富。
之后我哋叫咗两个小面包，分别叫做「玛莉生命菇$22」同埋「小紫嘟嘟包$18」，一个系红豆茉茶包，另外一个系芋头麻薯包，两个包都非常之有口感，咬落去好松软～
之后我哋叫咗杯「台湾艾尔芒果酸啤$75」，酸酸甜甜咁又开胃，几得意㖞～
如果大家都有兴趣怀念一下返学嘅情怀，都可以黎试吓啊，好有「那些年」嘅感觉！
张贴
